قلوبٌ لم تره لكنها أحبته ﷺ - الهرم المصرى نيوز

حصريا: تصدعات غير مسبوقة.. هل دخلت

العلاقات الأمريكية الإسرائيلية مرحلة 

         الخلاف العلنى؟…. فرساى من جديد.. 

        والتاريخ حين يسخر من الأقوياء!….. 

        اهدوا شوية بقى!.. مش كل يوم حرب 

        ولا كل خبر كارثة.. صحتك النفسية 

        ووطنك أهم من الهَرْى والضجيج!….  

         اللعب مع مصر مش هزار.. واللى دخل      

        حدودنا لازم يعرف إنه تجاوز الخط 

        الأحمر!.

==========================

🔴 🔴 لو_لسه_متعرفش هناك حديث واسع عن تطورات سياسية متسارعة تتعلق بالخلافات بين الإدارة الأمريكية والحكومة الإسرائيلية، بالتزامن مع التصعيد فى جنوب لبنان والحديث عن تعثر بعض المسارات التفاوضية.🔴 لبنان_فى_قلب_المشهد، أن استمرار العمليات العسكرية والتوترات الميدانية وضع الجميع أمام ضغوط متزايدة، وأعاد إشعال الجبهة الجنوبية بصورة أثارت ردود فعل واسعة….. 🔴 يعنى تفصيلا اليك الاتى: 🔴 لو_لسه_متعرفش الزلزال السياسى إللى بيحصل دلوقتى فى العالم... من شوية إيران أعلنت تأجيل محادثات سويسرا مع أمريكا، و"جى دى فانس" نائب الرئيس الأمريكى إمبارح مسك إسرائيل شَطَفْهُم حرفياً وخدهم غسيل ومكواة على الهواء مباشرةً، وترامب نفسه هدد بتطبيق حظر تصدير سلاح على الصهاينة، فى سابقة لم تحدث فى تاريخ علاقاتهم ببعض!■ والسبب_فى_كل_ده_إيه؟

■لبنان!🔸️ إسرائيل يا صديقى بقالها أيام مش مبطلة ضرب وقصف ليل نهار فى جنوب لبنان، وضاربة بعرض الحائط أهم بند فى مسودة مذكرة التفاهم إللى بيلزم كل الأطراف بوقف الحرب على جميع الجبهات... والمبهر بقى إن الحزب اللبنانى بقاله يومين عمال ينفذ ضد جيش الإحتلال فى الجنوب كمائن محكمة، أسقطت منهم عدد كبير بين قتلى وجرحى، وصل عددهم 7 قتلى و 17 جريح إمبارح بس، من ضمنهم مقتل قائد الكتيبة 52 المدرعة بنفسه!🔸 والنهاردة زيادة عليهم 6 قتلى و 20 مصاب فى حالة خطرة، وبن غفير طالع بيصيح عليهم وبيقول: "يجب أن تحترق لبنان"...

🔴 🟢 بس_بعدها_مباشرة ولسه من شوية، إتفقوا مع الحزب على وقف إطلاق النار بداية من الساعة 4 بالتوقيت المحلى... الحزب حط عليهم، والدنيا باظت خالص، ولسه فى سبب تانى هتعرفه حالًا …طب هو ليه إسرائيل بتعمل كده وبِتْعُك الدنيا بالشكل ده؟🔴 ⚫️عشان النتن مزنوق_زنقة_الكلاب حرفياً!🔴 ⚫️ النتن دلوقتى بيواجه حالة غليان داخلى وعاصفة إنتقادات غير مسبوقة من شعبه ومن وزراء حكومته اليمينيين، إللى شايفين إن الإتفاق "الأمريكى_الإيرانى" معناه رسمياً خسارة إسرائيل للحرب، وإن أمريكا بتبيعهم... خصوصاً إن أهداف الحرب متحققتش، ومفيش برنامج نووى إتلغى ولا برنامج صاروخى إتدمر ولا حكومة ونظام سقط...🔴 ⚫️ وعشان_كده، نتنياهو قرر يِتْمَرَّد على ترامب وعلى الإدارة الأمريكية ويِصَعَّد فى لبنان عشان يبوظ الإتفاق كله... 🔴 🔵 بس_كل_ده بقى مش مفاجىء... إحنا عارفين إن الصهاينة هيفضلوا طول عمرهم صهاينة مَالْهُمْش عهد... عادى... المفاجأة فعلاً بقى كانت فى رد فعل الإدارة الأمريكية غير المسبوق، وإللى وصل لمرحلة التراشق والردح العلنى للإسرائيليين!🔴 🟡 "جى دى فانس" نائب الرئيس الأمريكى؛ طلع إمبارح وحرفياً "فَرَش المِلَايَة" للمسؤولين الإسرائيليين وقالهم نَصَّاً: "من المزعج إننا نشوف وزراء فى حكومتكم بيهاجموا الإتفاق وبيهاجموا الرئيس ترامب شخصياً، فى وقت هو فيه الزعيم الوحيد فى العالم إللى بيتعاطف معاكم! لو أنا فى الحكومة الإسرائيلية، مكنتش ههاجم الحليف القوى الوحيد المتبقى ليا فى العالم كله!"🔴 🟡 ومش_بس_كده، دا عايرهم وفضحهم على الهواء مباشرةً قدام كاميرات صحافة العالم كله، وقالهم: "تلتين الأسلحة الدفاعية والمخزونات إللى حَمِت وطنكم وبتدافعوا بيها عن نفسكم، إحنا إللى بنديهالكم أصلاً ومصنوعة بأيادى أمريكية وممولة من فلوس ضرائب المواطن الأمريكى!"

🔴 🔹️ ولسه_التقيل_جاى... 🔴 🔹 ترامب نفسه إمبارح وأول إمبارح مِسِكْهُم غسيل ومكواة، ووجه رسالة مباشرة لنتنياهو قاله فيها إنه بيفتقد للحكمة، وقاله بنبرة ساخرة: "هو إنت كل ما تُقَع لك طيارة مسيرة فى الصحراء، تقوم تستهدف شخص فى لبنان وتوقع معاه عمارة كاملة بإللى فيها؟ فى ناس مالهاش دخل بتفقد حياتها!".. 🔴 🔹 شوف_يا_أخى الحنية والطيبة... ترامب طلع عنده قلب، لدرجة إن الأمريكان بقوا بيتريقوا عليه على السوشيال ميديا، وبيقولوا إيران عَلِّمِت ترامب الإنسانية!

🔴 🔹 ومش_بس_كده، خد التقيلة...ترامب من كام ساعة فجر قنبلة سياسية فى قلب حكومة نتنياهو، لَمَّا قال إنه محتاج يشوف باقى المرشحين إللى نازلين قصاد نتنياهو فى الإنتخابات الجاية عشان يقرر هيدعم مين... يعنى من الآخر، بيعلن رسمياً إنه فى الغالب مش هيدعمه، وبيرفع عنه الغطاء السياسى تماماً... ولاحظ إن ترامب هو إللى كان بيضغط على رئيس إسرائيل "إسحاق هرتسوج" عشان يوقع عفو رئاسى على نتنياهو! 🔴 🔹 حتى الإعلامى الأمريكى_الشهير "تاكر كارلسون" إمبارح كتب جملة معبرة جداً على حسابه فى منصة إكس وقال: "إسرائيل فقدت الرئيس الوحيد الذى كان تحت سيطرتها الكاملة"……🔴 🟡 ممكن سؤال يا_معال_الجنرال: طبعاً إتفضل... طب جميل أوى... الكلام ده كله بقى معناه إيه، وإيه السيناريوهات إللى قدامنا دلوقتى يا جنرالنا الغالى ؟🟡 السيناريوهات يا صديقى دلوقتى بتنقسم لإحتمالين... 1️⃣ الإحتمال الأول: إن كل إللى بنشوفه دا يكون مجرد مسرحية إنتخابية متفق عليها ومطبوخة بين ترامب ونتنياهو سوا، عشان يعدوا مرحلة إنتخابات التجديد النصفى فى نوفمبر، وِيِهَدُوا الداخل الأمريكى إللى حاسس إن بلدهم بقت خدامة لأوامر اللوبى الصهيونى 2️⃣ الإحتمال_الثانى: إن فى إنشقاق صفوف حقيقى وشرخ ضخم حاصل بين أمريكا وإسرائيل، وإن الإدارة الأمريكية دلوقتى فاض بيها الكيل، ولأول مرة فى التاريخ، بنلاقى إدارة أمريكية بتهدد إسرائيل إنها هتحظر وتمنع عنهم السلاح لو منسحبوش من جنوب لبنان بموجب الإتفاق!🟡 تخيل_يا_صديقى؟ أمريكا بتهدد إسرائيل بحظر سلاح، وبترفع العقوبات عن إيران!🇮🇷!!!انا فين انا مين …اناصاحى …. انا ……انا ….. الخ🟡 هو_إحنا دخلنا فى تايم لاين تانى ولا دكتور سترينج بيلعب فى العوالم الموازية ولا إيه؟! 🟡 ربنا يستر ومتكونش مسرحية_بس... وعامةً هنشوف إيه إللى هيحصل فى الساعات إللى جاية... 🟡 هام: جايز تلاقى فجأة ملفات إبستين جديدة إبتدت تتنشر، وساعتها هنعرف إن الكرباج طلع خلاص، وهيبدأ يفرقع فوق ظهور قادة أمريكا... وللأسف الأيام بيننا!🔴 المشهد مازال مفتوحاً، فالتطورات المتلاحقة قد تحمل مفاجآت جديدة، خاصة مع تعقيدات الملف اللبنانى والإيرانى وتشابك المصالح الإقليمية والدولية.🔴 الأيام القادمة ستكون كاشفة إلى حد كبير، لأن السياسة لا تعرف الثوابت الدائمة، وما يبدو مستحيلاً اليوم قد يصبح واقعاً غداً.🔴 تعليقى:🔴 فى عالم السياسة لا توجد صداقات أبدية ولا خصومات دائمة، بل مصالح تتغير وتحالفات يعاد تشكيلها باستمرار. وبين الضجيج الإعلامى والتصريحات المتبادلة، يبقى الحكم الحقيقى للأحداث والوقائع التى ستكشفها الأيام القادمة، فهى وحدها القادرة على فرز الحقائق من التكهنات، والأيام بيننا🔴 🔴 فرساى من جديد.. والتاريخ حين يسخر من الأقوياء!🔴 الإتفاق بين أمريكا وإيران إتوقّع إمبارح بالليل فى قصر فرساى بفرنسا، ولو مش واخد بالك من رمزية المكان وليه هو إهانة لأمريكا خلينى أقولك نفس القصر ده يا صديقى، شهد فى يونيو 1919 توقيع معاهدة فرساى، إللى داس فيها الحلفاء على كرامة ألمانيا وأجبروها على الإستسلام وقبول واحدة من أكتر الإتفاقيات إذلالًا فى التاريخ الحديث...🔴 وبعدها بكام سنة ظهر واحد ألمانى صوته عالى وبشنب وعنده مشاكل مع المؤقتين أصحاب الضفاير وبيكرههم زى الطاعون، وقرر يجتاح بولندا وبسببه قامت الحرب العالمية الثانية...

🔴 وفى شهر يونيو من سنة 1940، الألمانى أبو شنب ده إجتاح فرنسا وإحتلها، وبعدين قرر يرد ليهم الإهانة بطريقته وأجبرهم يوقعوا على وقف إطلاق النار ويستسلموا بعد سقوط باريس نفسها تحت الإحتلال الألمانى...

🔴 والنهارده، فى شهر يونيو برضو؛ بس فى سنة 2026، بيرجع قصر فرساى يستضيف توقيع إتفاق جديد، لكن المرة دى بين أمريكا بقيادة دونالد ترامب، وإيران إللى أجبرت الإدارة الأمريكية على الخضوع لشروطها والتراجع عن تحقيق أى هدف من أهداف قيام الحرب، وكمان هياخدوا فلوسهم المجمدة وصندوق إعادة إعمار ب 300 مليار دولار، ويفرضوا نفوذهم على مضيق هرمز شريان الطاقة العالمى للأبد...🔴 عشان كده، سواء كنت شايف إن إللى حصل إنتصار سياسى وإستراتيجى لإيران، أو مجرد هدنة مؤقتة قبل جولة جديدة من الحرب، ففى النهاية فى حاجة واحدة مؤكدة...🔴 التاريخ_دايمًا بيحب يعيد نفسه، بس إحنا إللى بننسى! 🔴 تعليقى:🔴 قد تختلف القراءات والتفسيرات، لكن شيئاً واحداً يبقى ثابتاً… التاريخ لا يكرر نفسه بنفس الصورة، لكنه كثيراً ما يعود بطريقة ساخرة ومفاجئة، أما الذين ينسون دروسه فهم الأكثر عرضة لمفاجآته.🔴 🔴 اهدوا شوية بقى!.. مش كل يوم حرب ولا كل خبر كارثة.. صحتك النفسية ووطنك أهم من الهَرْى والضجيج!🔴 استغلوا_فترة_الهدوء بعد سنوات طويلة من الحروب والصراعات المتواصلة.🔴 مضيق هرمز فُتح وحركة الملاحة ستزداد تدريجياً.🔴 الضغوط مستمرة من أجل تهدئة جبهة لبنان.🔴 تحسن الاقتصاد العالمى مع أى مؤشرات للتهدئة حتى لو كانت مؤقتة.🔴 اهدوا أعصابكم وابتعدوا عن كل ما يسبب التوتر والطاقة السلبية.🔴 الأخبار_الحزينة والمحتويات الصادمة المستمرة تؤثر سلباً على الصحة النفسية والصحة العامة.🔴 الحروب الحديثة لم تعد عسكرية فقط، بل تعتمد أيضاً على الشائعات والحروب النفسية وبث الانقسام والتشكيك.🔴 الوعى_والتأكد من صحة المعلومات أهم سلاح فى مواجهة الشائعات والأخبار الكاذبة.🔴 مواقع_التواصل ليست بيتنا الخاص، بل نافذة يراها العالم كله.

🔴 إظهار_الإيجابيات لا يمنع من مناقشة السلبيات، لكن المبالغة فى السواد لا تخدم أحداً.🔴 الشير_بدون_تأكد قد يحول الإنسان إلى ناقل لشائعة أو معلومة خاطئة يتحمل مسئوليتها.🔴 مصر تحقق نمواً ملحوظاً فى صادرات المنتجات الزراعية والغذائية، ومعايير التصدير العالمية تفرض اشتراطات صارمة للجودة والسلامة.🔴 لا_تجعل صفحاتك مجرد دفتر للحوادث والمآسى والطاقات السلبية.🔴 كل_واحد_يراجع نفسه قبل أن يضغط زر المشاركة أو إعادة النشر.

🔴 ادعم_بلدك بالكلمة الصادقة، وانشر الحقائق، ولا تجعل التشاؤم أسلوب حياة.

🔴 دعواتكم_دائماً لأبطال القوات المسلحة ورجال الأمن وكل من يعمل من أجل أمن واستقرار الوطن الغالى.🔴 تعليقى:🔴 لا أحد يطلب تجاهل المشكلات أو إنكار السلبيات، لكن بين النقد الموضوعى وبين نشر الإحباط واليأس مسافة كبيرة. حافظوا على صحتكم النفسية، وتأكدوا من كل كلمة تنشرونها، فالكلمة أمانة، والوطن يستحق أن نختلف من أجله لا أن نهدمه بأيدينا. وربنا يحفظ مصر وشعبها بخير وأمان وتقدم دائم. 🇪🇬❤️

🔴 🔴 اللعب مع مصر مش هزار.. واللى دخل حدودنا لازم يعرف إنه تجاوز الخط الأحمر!🔴 هااااااااااااااام.. لازم تفهموا القصة كويس وتعرفوا الحقائق بعيداً عن الصياح والضجيج الإعلامى.🔴 الموضوع مش حلايب وشلاتين.. لكن الحديث يدور حول منطقة جبل إيقات الواقعة بالكامل داخل الحدود الجغرافية والإدارية لجمهورية مصر العربية. القصة دى لازم تفهموها كويس علشان تردوا عليهم واللى مش عاجبة اللى مصر بتعمله يشرب من النيل ….سيبك من حفلات اللطميات اللي عاملينها وشغل النصب بتاع خدوهم بالصوت .. الحكاية ومافيها إنهم دخلوا في الأراضي_المصرية .. 

وما تفهمش غلط هما مش دخلوا في منطقة حلايب وشلاتين اللي بيدعوا أنها سودانية .. لا ابدااا دول دخلوا لمنطقة كمان بعدها عند جبل_إيقات ..🔴 وجبل إيقات ده بيقع في منطقة الصحراء الشرقية بجمهورية مصر العربية، وتحديداً في منطقة إمتياز شركة "شلاتين للثروة المعدنية" جنوبي البلاد.

🔴- ​وبالتالي، فإن الجبل يقع بالكامل داخل الحدود "الجغرافية والإدارية" لـ مصر، وليس للسودان .. يعني حتى مش في المنطقة اللي بيقولوا عليها خلاف ..🔴​- إكتسب هذا الجبل شهرة واسعة في السنوات الأخيرة بعد الإعلان عن كشف تجاري ضخم للذهب فيه (منجم إيقات)، وبدء تجارب التشغيل والإنتاج الفعلي للسبائك الذهبية من خلال شركات مصرية حكومية بالتعاون مع الهيئة المصرية العامة للثروة المعدنية.🔴- يعتبر جبل إيقات واحدًا من أبرز الإكتشافات التعدينية الأخيرة في مصر، وتحول إسمه رسمياً في السنوات الأخيرة إلى "منجم إيقات لإنتاج الذهب".🔴- ​يقع جبل أو إمتياز "إيقات" في الصحراء الشرقية بمصر، وتحديداً ضمن منطقة إختصاص مدينة شلاتين (جنوب الصعيد). يمتد الإمتياز على مساحة واسعة تصل إلى حوالي 176 كيلومتراً مربعاً.

🔴​- ​تم الإعلان عن الكشف التجاري للذهب في هذه المنطقة لأول مرة في صيف عام 2020 و​يقدر الإحتياطي المبدئي في المنجم بأكثر من 1.2 إلى 1.4 مليون أوقية (أونصة) من الذهب.🔴- ​يتميز المنجم بنسبة إستخلاص مرتفعة جداً تصل إلى 95%، بمتوسط تركيز ذهب يبلغ حوالي 1.5 جرام لكل طن من الصخور .. ​إجمالي الإستثمارات المتوقعة في المشروع على مدار سنوات تشغيله تتجاوز حاجز المليار دولار.🔴 👌- ​إدارة وتشغيل "بأيدى مصرية" .. ​ما يميز مشروع إيقات عن غيره (مثل منجم السكري الذي تساهم فيه شركة أسترالية)، أنه إستثمار مصري خالص بنسبة 100% .. ​تم الكشف عنه وتطويره بجهود شركة شلاتين للثروة المعدنية.

🔴- ​تشارك في ملكية وإدارة المشروع جهات حكومية وسيادية مصرية تشمل: الهيئة العامة للثروة المعدنية، وجهاز مشروعات الخدمة الوطنية، وبنك الإستثمار القومي، والشركة المصرية للثروات التعدينية.🔴- ​تم تأسيس شركة خاصة لإدارة العمليات هناك بإسم "شركة إيقات لمناجم الذهب".​🔴 - الوضع الإنتاجي الحالي ​بدأت التجارب الفعلية والتشغيل التجاري المبكر لإنتاج الذهب من موقع إيقات في مارس 2023، حيث بدأ المنجم في إنتاج سبائك مبدئية يتم دمغها محلياً عبر مصلحة الدمغة والموازين، وضخ الإنتاج لتعزيز إحتياطي الذهب لدى البنك المركزي المصري.🔴- ​يُصنف هذا المنجم حالياً كثالث موقع رئيسي في مصر لإستخراج الذهب والمعادن المصاحبة له، بعد منجمي "السكري" و"حمش".🔴- أنت داخل حدود مصرية وإنت عارف كده كويس وتم تحذيرك أكثر من مرة بعدم دخولها فكان ردك إنك قتلت ظباط دورية .. فإحنا رجالتنا من هنا ورايح مش هتحذر واللي هنلمحه هنمرجحه ونبعته على جهنم .. 🔴 فياريت تبطل صياح وإبكي في صمت عشان دماغنا وجعانا والبنادول غلي ... ؟!! 🔴 نفول كمان 🔴 جبل إيقات يقع فى الصحراء الشرقية المصرية ضمن نطاق اختصاص مدينة شلاتين.🔴 المنطقة ليست محل نزاع، وتقع داخل امتياز شركة شلاتين للثروة المعدنية.🔴 تعليقى:🔴 مصر دولة تعرف حدودها جيداً، وتدرك حقوقها، ولا تفرط فى شبر من أرضها. وبين الصخب الإعلامى والادعاءات المختلفة، تبقى الحقائق الجغرافية والقانونية هى الفيصل، أما السيادة الوطنية فهى ليست محل مساومة أو مجاملة….. 🇪🇬 .. حفظ الله مصر ارض وشعب وجيش وحفظ الله الزعيم السيسي البطل ، وحفظ شعوب المنطقة من ويلات الفوضى والصراعات. 🇪🇬🇸🇩 🥀 والحمد لله رب العالمين…﴿ وَاذْكُرُوا اللَّهَ كَثِيرًا لَعَلَّكُمْ تُفْلِحُونَ ﴾ 🥀.