"أرض الكنانة تفتح ذراعيها لقبائل بني عطية.. لقاءات أخوة وصلة رحم بين مصر والسعودية والأردن"/الهرم المصرى نيوز

 

بقلم / محمد جمال سقراط 

من واقع الأزمة الاخيرة و العركة اللى دايرة بسبب رأى عمر متولى فى الفنان شكرى سرحان بوصفة ان نجوميته اكبر من موهبتة 

الاول احنا محتاجين نسال سؤال: هو يعني ايه تمثيل او موهبة التمثيل؟

التمثيل هو القدرة الفطرية او المكتسبة التى تمكن الفرد من تقمص الشخصيات المختلفة و تجسيدها بشكل واقعى امام الجمهور او الكاميرا 

خد بالك انها ممكن تبقى فطرية و ممكن تبقى مكتسبة تثقلها الخبرة و الدراسة والاجتهاد

و بالتالى فهى مش شرط خالص تبقى مولود بيها لا ممكن تتعلمها 

ثانيا ايه اشهر مدرستين كبار بتتلم تحتيهم اغلب المدارس الاكاديمية فى التمثيل؟

1- مدرسة التقمص

2- مدرسة الاداء أو الشخصية

وبشكل بسيط 

التقمص هو توحد كامل بين الممثل والشخصية بحيث يتجانس نفسيا و عاطفيا مع تجربتها و ساعتها بيحصل اندماج كامل داخليا وخارجيا ومن اشهر ممثلينها 

احمد زكي - زكي رستم - دانيال دى لويس - جونى ديب

الاداء او الشخصية وهى مدرسة حرفية اكتر بتهتم بتقديم اداء متقن للشخصية منغير توحد او اندماج معاها و دا عن طريق التحليل الجيد للشخصية وهيه مدرسة تحتاج الى دراسة مكثفة وقوية لمختلف عناصر الشخصية وتاريخهاباستخدام الصوت و حركة الجسم ومبررات الاداء و الحركة وغيرها 

وقدرتهم على دا اشبه بالصنعة الحلوة وعشان كدا ساعات بيتقال عليه صنايعي و انا احب اقول عليه موهوب صنعة او صنايعي موهبة ومن اشهر ممثلينها نور الشريف - محمود المليجي - ويل سميث - روبرت داونى جونيور - وطبعا شكرى سرحان

هل فناني مدرسة الاداء لا يعدوا موهوبين؟

اكيد موهوبين حتى لو كانت موهبتهم مش بالولادة وانها مكتسبة لان عندهم ادوات تقنية وفنية مميزة تضاف اليها عند اغلبهم ذكاء مميز فى اختيار المواضيع والشخصيات القوية و التنويع الفارق بينهم 

يمكن ابرز الفروقات اللى بتبان بين النوعين هو الصدق الكامل 

فنان التقمص بيديك صدق كامل قوى التاثير بمختلف الادوات واللحظات ويمكن ابرزهم نظرة العين و الاداء الصامت وحتى فى اصغر المشاهد و بيبقى صعب تفرق بينه وبين الشخصية 

وبيكون فى ارتباط لا واعي فى ذهن المشاهد بين الشخصية وبين الممثل 

فنان الاداء مش دايما بيقدر يديك العمق دا من الصدق وقوة التاثير رغم المثالية الكاملة فى ادوات الشخصية وغالبا بيتم الفصل بين الشخصية والممثل فى ذهن المشاهد ويرتبط تقريبا فى عناصر بسيطة اهمها نوع الشخصية مش الشخصية نفسها وبتحس انه ممثل بيقدم بحرفية شخصية تمثيلية و قد يتشابة شكل وطبيعة الاداء بين اكتر من شخصية من نفس النوع لنفس الممثل

وعشان اغلب المشاهدين بيميلوا اكتر لمدرسة التقمص على حساب مدرسة الاداء و بيخليهم فى اغلب الوقت يصفوا فناني التقمص بالموهوب 

وللعلم دا خلط شائع بيقع فيه ناس كتير منهم قنانين و دارسي فن 

وبالمناسبة النجومية لا ترتبط كثيرا بالموهبة لان فى اوقات كتير بيكون فيه نجوم لا يتمتعوا بقدر كبير من الموهبة من المدرستين ولكنهم بيتمتعوا بقدر كبير من القبول والكاريزما النافذة لقلب وعقل الجمهور وبالتالى مش كل نجم موهوب ولا كل موهوب نجم

شكرى سرحان موهوب من مدرسة الاداء تمتع  بقبول وكاريزما البطل النجم مع صنعة الموهبة مع قدر كبير من الذكاء الفني اللى خلاه يقدر يختار بتميز وتنوع ادوار وافلام عظيمة وقوية سابت تاثير كبير جدا كقيمة فنية كاملة وكشخصيات لافتة الاداء ولا يمكن انكار او تجاهل تاثيرة 

وهنا لازم ناكد على نقطة 

كل حد من حقه بيقول رأية فى اى ابداع انساني سواء فنى او ادبى بشكل مهذب و ناقد دون التعدى باللفظ او الاشارة ويستحب ان يكون بموضوعية دا حق كامل وطبيعي لاى انسان مهما كانت امكانياته او افكارة او بيئتة او اعماله 

وما ينفعش نحجر على اى انسان بيقول راية فى فنان او مبدع ما لمجرد انه لم يقدم مثل ما قدم غيره 

ولا تنسوا ان اغلب النقاد الفنيين و الابداعيين لم يقدموا اعمالا فنية باى شكل من الاشكال و انما همه بيمتلكوا موهبة النقد والتحليل 

عمر متولي Omar Metwally لم يخطئ ولكن نقدر نقول نظرتة كانت شبه قاصرة او خانه التعبير  فى وصف المسالة ولكنه كان محترم ومهذب جدا فى عرض دا ببساطة وبتلقائية لانة عارف قيمة ما قدمة #شكرى_سرحان 

ولما يقولك موهوب قل له اه موهوب بقلب جامد

وبالتالى ف الهيصة المعمولة دى مجرد فرقعة مالهاش اى داعى غير خلق حالة من الجدال و اللغط المزيف ليس الا 

انا عارف ان البوست طويل لكنى حسيت ان فى هبد وهرى كتير خناقات ساذجة منغير اى فهم حقيقي عقلاني او موضوعي ف حبيت اقول راى شارح مش اكتر 

#كلامنجي