"التنمر" /الهرم المصرى نيوز

 

بقلم / فتحى الصاوي 

الجزء التاسع 

وهنا ظهرت ولاء بوشها الوحشي على شكل ذئب راسه ضخمه وانياب حاده وقربت من بلكونتى وراحت مقربه وشها من رياض قلتله هتموت انت والكلاب دى وهوريك جزء صغير من نهايتكم اللى هتكون العن من جريمتكم معانا وراحت ماسكه رياض من هدومه رفعته عن الكرسي اللى قاعد عليه وراحت رمياه جوه الاوضه وطبعا صفاء اتخدت لانه وقع عند رجلها وقتها النور طفى طبعا عشان رياض يفتكرها انها ناديه راحت صفاء حطت رجلها على وش رياض وطبعا سمير واكرم مش قادرين على الحركه سمير من المخدر واكرم من جبنه واللى شافوا بيحصل ف اللى شبهه وطبعا ولا راحت خبطه اكرم على دماغه ورمت سمير ف اخر البلكونه واختفت وكانت صفاء طبعا دخلت مكانها والنور رجع طبيعى ورياض بدا يقوم ويتحرك كانه عجوز متهالك ولقا الصور اللى حطتها ف الاوضه عشان يشوفوها لقيته قام وراح قاعد على الكرسي جوه الاوضه وسمير واكرم طبعا ميتين من الرعب اللى شافوه واللى حصل معاهم وبدا يتحركوا ناحيه رياض وبيبصوا على الصور اللى مسكها رياض ومش قادرين يتكلموا لان الصور دى فيها جزء كبير من جريمتهم كان حد صورها وهما بيرتكبوا الجريمه وبدا رياض وسمير يفوقوا من تاثير المخدر وبدوا يستعيدوا وعيهم والصور لسه ف ايد رياض ووقتها رن تليفون سمير من الراجل المنتظر الل هيفك طلاسم العماره بعفاريتها فسمير بيقوله انت فين قاله انا ف المكان اللى قلت عليه وادينى داخل العماره اهو انت فين قاله طب ادخل وبعد متخلص قولى فيه ايه قاله خلاص انا دخلت العماره اقفل وقفل سمير مع الراجل ده ودخل البلكونه وبينادى لرياض قاله الراجل وصل قاله هنشوف هيعمل ايه وطبعا اكرم مبقاش ينطق باى كلام غير كلمه واحده هنموت هنموت 

عدى بتاع عشر دقايق ولقينا صوت رزع وتخبيط جامد جاى من العماره اياها والبلكونه اتفتحت والراجل اللى دخل تبع سمير ظهر ف البلكونه وجاب كرسي وقعد طبعا كل ده انا متابع اللى بيعمله راح مخرج ورق وفضل يعمل فيه حاجات غريبه بايده وشويه رفع ايده لفوق والورق اتحرق وهو لسه زى ماهو لحد ملقيته بقا على اول السور وراح رامى رماد الورق على السور وراح مكلم سمير ف التليفون قاله لا الموضوع كبير كبير اووووووى وانت وصحابك ف الهلاك ف الهلاك ولسه سمير بيكلمه لقا الراجل اللى ف البلكونه اترفع وكان فيه ايد قويه حدفته لدرجه انه وصل لحد البلكونه عندى وراح نازل ف الشارع وطبعا بقا فيه جثه وقعت من العماره المفاجاه بقا اننا نزلنا جرى لحد الشارع ملقناش جثه الراجل عند العماره اللى انا ساكن فيها لانه اترمى من هناك لحد بلكونتى يعنى واقع من عمارتى قلبنا عليه الدنيا مش موجود مفيش حتا اى اثار دم او وقعه حتى ف ناحيه العماره التانيه راح سمير رن على الراجل لقا الراجل رد عليه سمير بيقله ايه اللى حصلك قاله حصلى ايه مفيش حاجه حصلت طبعا سمير اتعصب قاله ازاى مفيش حاجه انت مش لسه مرمى ف الشارع من البلكونه قاله انا مجتش لسه اصلا سمير عقله هيطير ازاى مجتش ومال كلمتنى قلتلى انا طالع العماره اهو وقعدت ف البلكونه وحد رماك منها الراجل قاله انا مجتش لسه بطل التخاريف دى ولسه سمير بيبص لرياض لقا اكرم راح سايبهم وجرى ودخل العماره واختفى وطبعا سمير ورياض بينادوا عليه هو خلاص دخل العماره رياض بيقول لسمير نروح نشوفه سمير قاله لا هو تلاقيه لسه عند عماد منزلش دى تهيؤات يالا وهنلاقيه فوق طلعنا كلنا وندور على اكرم اكرم مش موجود يبقا فعلا هو اللى دخل العماره دى مش تهيوات اكرم راح لموته ده رياض بيقول لسمير كده ولسه سمير هيرد لقوا اكرم جوه البلكونه الملعونه متعلق ف سقف البلكونه من رجله وفيه حاجه راشقه ف دماغه وهنا ظهرت ولاء وقربت المنظر لرياض وسمير قالتلهم ادى اول كلب مات الدور الجاى عليكم موتنا بنفس الطريقه سمير بيبص لرياض ومش قادر ينطق لقينا جثه اكرم المتعلقه ف البلكونه اختفت والبلكونه اتقفلت وطبعا رياض وسمير خلاص بيموتوا من الرعب ومش حاسين تقريبا باللى بيحصل بسبب اللى شافوه وهنا جه دور صفاء وراحت داخله وهما واقفين وراحت حطه ايدها على كتف سمير طبعا سمير خلاص مبقاش قادر يستوعب اللى بيحصله بيلف لقه صفاء قصاده افتكرها ناديه راح جارى من قصادها ورياض مش قادر يتحرك وبدا يقول كلام غريب انا السبب ف موتك انا اللى شيطانى خلانى اموتك انتى ومراتى ولاء انا السبب انا الى قتلتكم راحت فجاءه ولاء ظهرت وفيه ايدها راس اكرم وراح النور طافى واختفت صفاء وولاء لسه ف ايدها راس اكرم قربتها من رياض واتكلمت بصوت مفزع مش ده يارياض اللى فصل راس ناديه وقتلها ادى راسه اهى مات والدور الجاى عليك انت والكلب التانى 

واختفت ومعاها راس اكرم والنوربدا يظهر حاجات غريبه زى موت اكرم اللى مماتش وكل اللى شوفناه ده واكرم مغمى عليه وراء الكنبه من الخوف اما سمير لما جرى من خوفه وقع من على السلم ورجله اتكسرت وصوته كان واصل لااخر الشارع جريت على اكرم رحت مفوقه وكان رياض راح يشوف سمير وراح مسنده وراح بيه على المستشفى اما اكرم فضل قاعد مكانه لبينطق ولابيرد لحد ملقيته قام وقاللى هو فيه ايه قلتله مفيش حاجه رد وقالى مال رياض وسمير فين قلتله على اللى حصل لسمير راح نازل جرى وركب عربيته ومشى وبعد ممشي طلعت صفاء وطبعا كانت متعبه جدا بسبب اللى شافته من الرعب وناديه ظهرت هى وولاء وعمالين يضحكوا وانا مفياش اعصاب من التعب اللى فيه لقيت ناديه قالتلى ده كان بس جزء صغير من اللى هيشوفوا وخلاص ولاء قررت تقضى عليهم بجد مره واحده قلتلها التلاته مره واحده ردت ولاء قالت اه التلاته ومع بعض ومحدش هيعرف طريقهم 

بس قبل كل ده مايحصل لازم يعملوا حاجه وانتى هتكون سبب مباشر ياعماد للحاجه دى ولازم تنفذ اللى هنقلك عليه بس بعد منخليهم يعملوها الاول بقلها حاجه ايه ردت وقالتلى هخليهم 

بقلم / فتحى الصاوي