محافظ كفرالشيخ: يتابع حركة النقل وتطهير شبكات الصرف الصحي ورفع 1635 طنًا من القمامة في حملات النظافة بمدن ومراكز المحافظة - الهرم المصرى نيوز

بـــسـم الــلــه الــرحــمــن الــرحــيــمـ

منطــقــه الـــمـــوت

     ( من الـــجـــزء الاول الى الجزء الخامس)

بقلم / فتحى الصاوى 

انا مراد فهمى مهندس معمارى وصاحب شركه للهندسه والمقاولات متزوج من بنت عمى اسمها ميرفت وعندنا ولدين وبنت ممدوح وعلياء وفهمى ممدوح 14سنه وعلياء 9سنين وفهمى 5سنين 

بدايتى كنت بشتغل مع والدى الحاج فهمى فى شركته وكانت شركه صغيره وشغلها على اده وكنت من صغرى نفسي اطلع مهندس معمارى والحمد لله بقيت مهندس ومسكت شغل والدى وكبرت ف الشركه لحد مبقا صيتها واصل للخليج والوطن العربى كله وكان والدى معايا ف البدايه بس من ساعه متعب وهو بقا ف البيت على طول وكنت يوميا بزوره واطمن عليه هو ووالدتى 

وبدات الحكايه ف يوم كنت ف الشركه وقاعد ف مكتبى ولقيت ناريمان السكرتيره دخلت وبتقلى فيه واحد بره اسمه الحاج صفوان عز الدين رجل اعمال قلتلها صفوان عز الدين صاحب القرى والمنتجعات قالتلى معرفش هو ولا قلتلها خليه يتفضل دخل مكتبى قمت استقبلته ورحبت بيه وعرفته بنفسي وعرفنى بنفسه وطلع فعلا هو صاحب القرى والمنتجعات يعنى شخصيه نار على علم زى مبيقوله وطلبت من ناريمان تقدمله مشروب وتعملى انا قهوه هو راح طالب قهوه مضبوط وجه الساعى بالطلبات وقعدنا نتكلم قالى بص يابشمهندس انا جايلك بنفسي وعاوزك ف شغل وعاوز شركتك تصمملى قريه ومنتجع وڤلل ف ارض مساحتها 500 فدان المنطقه دى ف العلمين وطبعا انت عارف المنطقه هناك يعنى عاوز تصميمات تبهر العالم كله قلتله عموما ياحاج صفوان لازم اعمل زياره للموقع واشوف الارض كلها على الطبيعه قالى خلاص يابشمهندس دى ارقام تلفوناتى كلها ووقت متحب تروح قلى قلتلته خلال الاسبوع ده باذن الله هكلم حضرتك واقلك قالى تمام ف انتظارك ومشي وطبعا قعدت بعد مامشي افكر عمليه تقيله زى كده لازم اعملها مناقصه واحط سعر عشان العمليه متطرش منى ولسه التفكير شاغلنى لقيت ناريمان دخلت المكتب وبتقلى مش ناوى تروح ولاايه يابشمهندس قلتلها هى الساعه كام قالتلى 3 العصر قلتلها طيب تمام انا همشي وهكون على الساعه 6 موجود اطلبيلى مهندس جاسر مدير المشروعات وبلغيه بعد ميخلص الموقع يكون هنا الساعه 6 تمام قالتلى تمام وسبتها وخرجت وحصلت حاجه غريبه جدا واقف منتظر الاسانسير لحد ماوصل بفتح الباب لقيت الاسانسير اصلا مش موجود ولولا ستر ربنا معايا كنت هقع من الدور التالت مع ان الاسانسير وصل ومن فتحه الباب والنور بتاع الاسانسير متاكد انه طلع ازاى بقا مش موجود والباب يتفتح كمان قلت حادثه عاديه وممكن يكون الاسانسير عطلان ومحططش ف دماغى حاجه ونزلت على السلالم وانا نازل لقيت النور عمال يطفى وينور واول مره تحصل فيه ايه الشركه مالها متعفرته ليه كده ونزلت ورحت باصص ورايا لقيت النور طبيعى بسال موظف الاستقبال بقله هو النور كان بيطفى وينور ليه قالى مفيش حاجه من دى يافندم النور سليم سيادتك مفهوش حاجه رحت قيله والاسانسير ماله فيه عطل قالى لا يابشمهندس راح منادى على فرد الامن سالته قالى سيادتك من ساعه الضيف اللى عند حضرتك نزل محدش طلب الاسانسير 

طبعا عقلى مش مستوعب اللى بيتقال ده ايه كنت بحلم مثلا ورحت سيبهم وماشي دورت عربيتى ورحت البيت عند والدى وكانوا عيالى هناك بمراتى قعدت شويه والغداء جهز ووالدى خرج من اوضته واطمنت عليه واحنا بناكل بكلمه على اللى حصل النهارده واول ماسمع سيره صفوان عز الدين لقيت شكله اتغير ووشه اتقلب ولقيته بيقلى بلاش الراجل ده يامراد وبلاش تتعامل معاه ف شغل بقله ليه قالى اسمع الكلام من غير ليه الراجل ده بتاع اثار ودايما شغله ملعون ابعد عن الشغل معاه وخلاص قلتله وانا مالى بتاع اثار ولا يحزنون ياحاج انا ليا شغلى وبس غير كده مالوش عندى لقيته راح ساكت وقالى ربنا يستر وطبعا هو زعلان وساكت لقيت والدتى بتقله ماتسيبه ياحاج مراد فاهم هو بيعمل ايه قالها مانا عارف بس الراجل ده اللى بيشتغل معاه بيتلعن وبيتخرب بيته وحياته ودنيته كلها واعرف ناس كانوا اعلام ف المقاولات  منهم اللى اختفى ومحدش يعرف  طريقه واللى مات بطريقه بشعه واللى لقوه جثه من غير راس وقبل متعب بسنين جالى ف شغل وانا رفضت اقابله اصلا وبقالى سنين معرفش عنه حاجه خالص قلتله احكيلى ياحاج اللى تعرفه قالى نخلص اكل وندخل المكتب نتكلم براحتنا ودخلنا فعلا المكتب ولقيته بيطلع جرايد قديمه عنده وبيقلى . . . . 

#يتبع 

فتحي الصاوي

مــنــطـقه  الـــمــوت

                         الـــجـــزء الــثـانــى

قلتله احكيلى ياحاج اللى تعرفه قالى نخلص اكل وندخل المكتب نتكلم براحتنا ودخلنا فعلا المكتب ولقيته بيطلع جرايد قديمه عنده وبيقلى . . . . 

بص كده ف الجرايد دى وانت هتعرف انا بتكلم ف ايه مسكت من والدى الجرايد لقيت فيها اعلانات لشركات مقاولات ف افتتاح قرى ومنتجعات لصفوان عز الدين ومسافه مايتم استلام القرى بتاعته بتحصل حوادث مرعبه وكلها فعلا للمقاولين دول  وفيه اسامى انا سمعت عنها بس اختفت 

اللى اختفى ومحدش يعرف عنه حاجه واللى اتقتل ولقوا جثته مشوهه واللى مفصول راسه عن جسمه وراسه مش موجوده قلت لوالدى ايه ده بجد واشمعنا الناس دى وبعد مابيسلموا شغلهم قالى يابنى دى لعنه صفوان ده كان بيجرى وراء الاثار وطبعا كان لازم يسخر جن عشان يساعدوا ف تنفيذ طلباته وهو يقدم لهم القرابين عشان يوصل للى هو عاوزه بقله وانت ياحاج عرفت منين قالى هقلك يابنى كل حاجه اصبر عليا بص زمان يابنى ف بدايه مافتحت الشركه كان معايا شريك اسمه سيد السويفى وفتحنا مع بعض كنت انت لسه صغير خالص وسيد ده اتعرف على صفوان ف ملهى ليلى كان سيد ده بتاع سهر وشرب الله يرحمه ويسامحه بقا جالى ف يوم بيقلى فيه واحد اسمه صفوان عز الدين  شارى حته ارض ف دمنهور وعاوزنا نروح نعمل مقايسه ليها وقبل مانبدا تنفيذ البناء هنحفر ف الارض دى لعمق 200متر بقله ليه كل ده قالى هو شاكك ان الارض تحتيها مقبره وعاوز يتاكد قبل مايبنى قلتله ياسيد واحنا من امتا لينا ف الشغل ده وهنا كان الخلاف بينى وبينه ووقتها انا شيلت الشركه وخرجنا من الشراكه ومن ساعتها انا لوحدى المهم سمعت ان سيد اخد شركه لحسابه وبقا لوحده وسمعت انه اخد الشغل من صفوان وبدا ينفذه وراح فعلا حفر الارض وصفوان طلع اللى هو عاوزه  وبعدها بفتره لقينا جثته مشوهه وراسه مفصوله عن جسمه جنب المشروع والقضيه اتحفظت ضد مجهول وعندك غيره كتير وخد بالك يامراد صفوان ده لو قلتله سعر ضعف سعر السوق مش هيعارضك لان عارف بياخد حقه منك ازاى فبلاش يابنى تشتغل مع الراجل ده رحت حكيله على موضوع الاسانسير والنور لقيته بيقلى مش بقلك الراجل ده وجوده خراب على اللى بيتعاملوا معاه ربنا يستر يابنى عليك وتبعد عن الراجل برضه دماغي مش مستوعبه الكلام ده وبقول لنفسي دى عمليه كبيره وانا هبقا واخد حذرى ولو طلب منى حاجه ف الشغل تكون شمال وقتها هوقف تعامل واوقف الشغل ابويا لقانى سرحان قالى بتفكر ف ايه قلتله ابدا ف كلامك عن الراجل ده عموما ياحاج انا خلاص مش هعمل شغل معاه قلت كده عشان اريحه وانا ف دماغى العكس ببص ف الساعه لقتها 5.15 قلتله ياحاج انا همشي عشان ورايا ميعاد ف الشركه والولاد معاك وهبعتلهم عم حسن السواق ياخدهم يروحهم قالى سبهم النهارده وبكره ابقا روحوا قلتله ماشي ياحاج رحت طالع لقيت مراتى وامى قاعدين بقلهم عاوزين حاجه قالولى لا عاوزينك بخير رحت قايل لمراتى هنبات هنا مع الحاج النهارده وبكره نمشي قالتلى حاضر اللى تشوفه يامراد واخدت بعضي ومشيت وصلت الشركه حوالى الساعه 5,45 دخلت الشركه الامور طبيعيه مفيش حاجه غريبه حصلت طلعت مكتبى لقيت ناريمان بتقلى مهندس جاسر وصل وف مكتبه يافندم قلتلها كويس هاتيلى القهوه بتاعتى وخلى جاسر يجيلى جاسر دخل سلم عليا وعملى تقرير عن نظام الشغل ف المواقع اخدته منه قلتله هبقا اشوفه بس بعد ماخلص لان عاوزك ف شغل وعاوزين نحدد ميعاد نعمل معاينه للارض دى عشان دى منطقه منتجعات وقرى وڤلل تمام يخصوا صفوان عز الدين قالى اااه هو جالك قلتله يعنى ايه جالى قالى اصله راح كذا مكتب ومتعاملش معاهم قلتله وهما اللى رفضو ولا هو قالى اللى وصلنى انه مرتحش للمكاتب دى وعموما عادى نعمل المعاينه ونشوف هنعمل ايه تمام قالى بعد بكره نروح نعمل معاينه ونتكلم قلتله كويس هتصل بصفوان ابلغه خلينا نشوف الدنيا هتمشي معانا ازاى جاسر قالى بص على التقرير عشان امشي قلتله ياعم امشي مش التقرير مضبوط قالى تمام والشغل كله الحمد لله كويس قلتله الحمد لله 

جاسر مشي وفضلت انا ف المكتب رحت متصل على صفوان رد عليا مين قلتله المهندس مراد يااستاذ صفوان قالى اهلا يابشمهندس هاااا حددت امتا هتعمل معاينه الارض قلتله اااه بعد بكره هنكون هناك بس حضرتك ابعتلى شير لوكيشن بمكان الارض

قالى تمام هبعتهولك بكره وانا هناك قلتله زى الفل كده وقفلنا مع بعض بصيت ف الساعه لقتها حوالى 7,30مساء رحت ضارب الجرس لناريمان قلتلها ايه الاخبار قالتى كله تمام يابشمهندس وومتابعه كل المواقع بس فيه مشكله مع مهندس وائل ف الاسمنت لسه موصولش الموقع رحت متصل بجاسر قلتله مالها شركه الاسمنت معطلانا ليه قالى مفيش عطله ولاحاجه انا حليت كل حاجه والساعه 3الفجر هتكون العربيات بتشون الاسمنت ف الموقع والامور عاديه قلتله تمام ماشي ازعجتك ياهندسه قالى ياعم ازعج براحتك هو حد يقدر يتكلم معاك ورحنا قافلين قلت لناريمان بلغى وائل الاسمنت هيكون عنده ف الموقع 3الفجر والدنيا عاديه قالتلى حضرتك تؤمرنى بحاجه تانى قلتلها لا وخلى عم حسن السواق  يروح وقبل متمشي ابعتيلى قهوه وكله يمشي وتممى انتى على الشركه وانا لسه قاعد شويه اخلص شويه شغل يالا 

جتلى القهوه وقعدت اقلب الورق رحت سايب الشغل ووقفت عند شباك بيطل على الشارع وفكرت ف كلام والدى وشغل صفوان ده وفجاه لقيت الشباك قصادى اتحول لكتله من الرمال وشايف ارض كبيره جدا ومليانه دم كتير وفيه اشكال بنى ادميين لا دول مش بشر دى هياكل عظميه ووشوشها غريبه نصها مكسي لحم والنص التانى عضم بس وخارج من بوقهم انياب حاده وكل واحد فيهم بينهش ف الجزء اللى فيه لحم من وشوشهم والدم مغرق كله جزء ف الارض دى وفجاه ظهر شبح طاير من السماء غطى الارض دى كلها لحد منزل ولمس الرمل كل الهياكل العظميه دى راحت راكعله استغفر الله العظيم الركوع لله وحده 

وشويه فقت على رنه الموبايل والشباك بقا عادى ببص ف التلفون لقيتها ميرفت مراتى بتقولى انت فين الساعه 10هتتاخر ولا ايه قلتلها لا جاى اهو ببص ف الساعه لقيتها فعلا الساعه 10 ايه ده وفيه ايه وايه اللى شفته ده رحت لامم الورق واخدت مفاتيحى ورحت خارج من المكتب وحاسس بصوت عمال يقولى انت لسه مشوفتش حاجه يامراد محططش ف دماغى حاجه وخرجت من الشركه ركبت عربيتى ورحت مروح عند والدى دخلت الڤيلا لقيت مراتى وولدتى فاعدين ف الجنينه ووالدى قاعد ف التراس والولاد دخلوا يناموا رحت قاعد معاهم شويه ورحت مستاذن وداخل على الڤيلا ودخلت عند والدى سلمت عليه وبوست ايده ورحت طالع اغير هدومى ونزلت قعدت ف المكتب وميرڤت جتلى قلتلى ايه مش هتتعشا قلتلها شويه قالتلى هخلى ام هانم تجهز السفره عمى وماما مكلوش وكلنا قاعدين منتظرينك قلتلها ماشي معلش اتاخرت عليكم قالتلى ولايهمك قلتلها معلش ياحبيبتى اعملى حسابك مسافر بعد بكره اتابع الشغل اللى ف الساحل عاوزه تقعدى مع ماما هنا اوتروحى او تروحى عند مامتك مفيش مشكله قالتلى لا هروح لماما اطمن عليها واجبها تقعد معانا كام يوم قلتلها البيت بيتها انتى بتسالينى ياميرڤت البيت بيتها طبعا وخرجت وانا دماغى انشغلت باالى شفته ف الشركه لحد مالقيت ميرڤت بتنادى بتقلى ايه كل ده رحت فين عماله ازقك وانادى وانت ولاانت هنا فيه حاجه يامراد قلتلها لا ياحبيبتى دماغى مشغوله بالشغل بس قالتلى طب يالا العشا جهز ومنتظرينك وخرجت انا وهى قعدنا كلنا وبعد ماكلت قلت لوالدى حضرتك عاوز حاجه منى انا هطلع انام قالى نوم الهنا يابنى رحت قايم واستاذنت من والدى ووالدتى ورحت طالع انا وميرڤت ماشي ف الطرقه فوق سمعت صوت خارج من اوضه

الولاد ولقيت الخلبوص فهمى صاحى وعمال يضايق ف اخوه رحت دخله وهزرت معاه انت منمتش ليه لحد دلوقتى قالى اااه عاوس تتضحت عليا فين الشتولاته بتاحتى قلتلته الشكولاته بقت شتولاته اهى ياسيدى يالا عشان تنام وكلها الصبح قالى لا هتالها دوقتى مامته قلتله  هتنام يافهمى وبكره كلها براحتك راح معيط قلتلها خلاص سيبيه ياكلها راحت ميرڤيت مناديه لاام هانم قلتلها اطلعى اقعدى مع فهمى واغسليله ايده وبوقه بعد ماياكل الشكولاته وينام على  طول قالتلها حاضر ودخلت انا وميرڤت اوضتنا اتكلمنا شويه ورحت قافل النور ونايم وشويه حسيت انى بقوم من السرير ولقيت نفسي ف •••

( ملحوظه) 

بكره باذن الله فبه بوست هنزله اسال وانا هجاوب على اى سؤال بيدور ف دماغك بس محدش يسال القصه دى نهايتها ايه لان انا نفسي لسه معرفش لان كل جزء بيربط الاحداث ببعض تمام!!!!! 

#يتبع 

فتحى الصاوي

مـــنـــطقــه الــــمـــوت 

                  الــــجـــزء الــثــالــث

قالتلها حاضر ودخلت انا وميرڤت اوضتنا اتكلمنا شويه ورحت قافل النور ونايم وشويه حسيت انى بقوم من السرير ولقيت نفسي ف •••

ف وسط الارض اللى ظهرتلى وانا ف الشركه عندى ومفيش غيرى ف الارض وببص تحت رجلى لقيت الارض بيخرج منها دم من كل حته ورجلى اتثبتت ف الارض ومش عارف اتحرك ولاانطق وكل شويه الارض بتزيد ف خروج الدم وشويه لقيت السماء بتضرب برق بطريقه غريبه ووقت البرق مايظهر فيه كائنات بتظهر وتختفى ولقيت الكائنات دى ظهرت وبتقرب منى والسماء نورت بضوء احمر وبانت وشوشهم نص هيكل عظمى ونصف مشوه بلحم متاكل ويقربه وانا مش قادر اتحرك واتحوطت بيهم لحد مالقيت كائن نازل من السماء والهياكل وقفت مطرحهم من غير اى حركه لحد مانزل الكائن ولمس الارض كل الهياكل العظميه اختفت وهو الوحيد اللى موجود ولقيت نفسي قادر انطق بقله انت مين وعاوز منى ايه لقيت صوت مرعب خارج منه بيقلى انت اللى عاوز مش احنا وانت اللى كتبت نهايتك لوقربت من الارض دى حتى اللى جيبك هناذيه وسكت وراح مورينى وشه اعوذ بالله شكله يرعب فعلا 

وحش بانياب مفزعه وخارج من راسه قرون حاده زى السيف ببعد عنه لقيت ايده راحت شدانى وقالى متعتبش الارض دى ولو قربت منها هضيع زى اللى قبلك والمرادى عقابك هيكون اشد منهم اخرج قبل مااقضى عليك اخرج فضلت اصرخ وادور على ينجدنى مفيش حد 

صحيت على زعيق ميرڤت مراتى وهى بتصحينى مراد مالك يامراد فوق يامراد 

صحيت بقلها ف ايه قالتلى انت بتحلم وعمال تصرخ فيه ايه قلتلها مش عارف اذا كنت بحلم ولا كنت صاحى رحت قايم مولع سيجاره وعمال افكر ايه اللى حصل ده علم ولا حلم فيه ايه لقيت مراتى بتقلى انت كويس يامراد قلتلها الحمد لله ولقيتها صرخت مره واحده ايه ده يامراد الجرح اللى ف رقبتك ده بقلها جرح ايه قالتلى خربوش كبير ونازل منه دم قلتلها معرفش الجرح ده جه ازاى قلتلى اكيد وانت بتحلم خربشت نفسك افتكرت ايد الوحش اللى ظهرلى فعلا شدنى من المكان اللى فيه الجرح وده مش خربوش ايد عاديه وفضلت طبعا صاحى وقلقان جدا من الكابوس ده فعلا لحد مابقت 6صباحا كانت ميرڤت مراتى نامت قلت احاول انام ساعتين واقوم على 8 عشان امر على الشغل واطمن على سير العمل ورحت مريح على السرير لحد مارحت ف النوم ولقيت مراتى بتصحينى على الساعه 8.30 قمت اخدت شاور وغيرت هدومى نزلت لقيت ابويا قاعد صبحت عليه هو ووالدتى وقعدت فطرت معاهم كان اولادى لسه نايمين ورحت ماشي طلعت على الشغل وعلى مامريت على المشاريع واطمنت على الشغل طلعت على المكتب لقيت ناريمان بتقولى الحاج صفوان اتصل كذا مره وعاوزك ضرورى وبيتصل بيك تلفونك مغلق قلتلها ممكن يكون شبكه عموما هتصل عليه ابعتيلى القهوه بتاعتى طيب وهاتى ملف المشروع بتاع مهندس وائل قالتلى حاضر يافندم وخرجت رحت متصل بالحاج صفوان مرتين ومحدش رد وشويه لقيته هو بيرن رحت رادد عليه ازيك ياحاج قالى ازيك انت يابشمهندس انا كلها شويه وهوصل عند الارض وهبعتلك شير لوكيشن احنا على ميعادنا ولافيه حاجه اختلفت قلتله لا على ميعادنا وانا مستغرب سواله قلت عادى ممكن يكون بياكد وقفلت معاه وفضلت ف الشركه لحد الساعه ماجت 5.30 مساء لحد مالمهندس جاسر وصل ونسقنا ازاى هنتقابل الصبح واخدنا كل اللازم من المكتب عشان معاينه المشروع خليت ناريمان جابت الاوفيس بوى نزلو الحاجه ف العربيه وتممت عليهم وطلعت وادتنى التمام ان كل حاجه بقت ف العربيه وجاسر معايا لسه ف المكتب بنددرش ف عن الحاج صفوان وفعلا طلع يعرف عنه بعض المعلومات منهم الكويس وفيهم الوحش زى ماحكالى والدى وقالى الاشاعات دى كتير عن الحاج صفوان ببص ف الساعه لقيتها 7 مساء قلتله يالا ونتقابل الساعه 8صباحا عشان نشوف مشوارنا ده وقمنا مشينا واتصلت على ميرڤت لقيتها بتقلى انها عند والدتها قلتلها تمام انا هروح هجيب حاجات من البيت وهاجى عليكى عشان مسافر الصبح قلتلى ماشي ف انتظارك ورحت قافل معاها السكه دورت العربيه وصلت عند البيت دخلت الڤيلا قعدت شويه ف المكتب ورحت طالع اخدت شاور حاسس وانا ف الحمام ان فيه حد معايا ومش عارف الاحساس ده جايلى اصلا ليه 

خلصت وخارج من باب الحمام تخيلت ان شفت خيال بيتحرك واختفى اول ماخرجت رحت واصل ناحيه الدولاب طلعت هدومى ولسه بلتفت لقيت الشكل المخيف ده ظهرلى ف قلب المرايا ولقيته بيقلى انا مش قلتلك متهوبش ناحيه الارض انت ملعون زى اللى جابك لقدرك ف الارض دى انتى ملعون ملعون وبصوت مرعب جدا واختفى طبعا من الخوف قعدت شويه اجمع اعصابى ورحت مكمل لبس وواخد بعضى ونازل خرجت من الڤيلا وركبت العربيه لقيت ورقه محطوطه على التابلوه مكتوبه بالدم ملعوووووون ونهايتك جحيم 

قعدت شويه افكر مين اللى حط الورقه دى دماغى هتنفجر من التفكير لحد مالقيت عم عطيه بيخبط على ازاز باب العربيه فيه حاجه يابيه اتخضيت قلتله لالا مفيش حاجه ياعم عطيه بس نظره عم عطيه مرعبه مش ده عم عطيه اللى اعرفه بقاله عشر سنين شغال معايا واول مره اشوف عنيه كده قلت لا دى ممكن تهيؤات ورحت مدور العربيه وماشي متجه لبيت حماتى وصلت عند حماتى وطلعت سلمت عليهم ورحت داخل قاعد ف البلكونه وفضلت افكر ف اللى حصلى لحد مالساعه بقت 11.30مساء ورحت داخل نايم وانا قلقان جدا وخايف وبفكر اعتذر من اللى اسمه صفوان ده بس روح المغامره والمكسب مغمين عنيا قلت هروح واشوف ايه اللى هيحصل لحد ماروحت ف النوم وجالى كابوس المرداى مخيف جدا ان الوحش اللى ظهرلى ده واخد والدى ووالدتى وعمال يمص ف دمهم ويروح واكل نص وشهم ويرميهم للهياكل العظميه دى تنهش فيهم صحيت وانا مفزوع من النوم كانت الساعه حوالى 7صباحا رحت قايم زى المجنون اتصلت على والدى ووالدتى والدتى ردت خير يامراد يابنى فيه حاجه قلتلها لا ياماما قلت اطمن عليكم قبل مااسافر شغل وهغيب فيه يومين قالتلى ربنا معاك يابنى واحنا الحمد لله كويسين وابوك اهو قاعد بيقرا الجرنال تروح وتيجى بالسلامه ورحت قافل معاها المكالمه دى طمنتنى شويه انه مجرد كابوس مش اكتر وهلوسه نوم رحت متصل بجاسر رد عليا قالى انا بلبس اهو قلتله تمام شويه وهعدى عليك تحت البيت قالى تمام وقمت غيرت وفطرت وسلمت على مراتى وحماتى والولاد ورحت نازل فاتح العربيه وبرضه لقيت فيها ورقه مكتوبه خلاص انت اخدت القرار بالجحيم اللى هتشوفه واحنا اخدنا العهد على تدميرك وتدمير كل حاجه تخصك طبعا القلق والخوف اتملكوا منى ومكنتش همشي غير لما لقيت التلفون رن كان جاسر بيقلى انت فين قلتله ف العربيه وفيه حاجه غريبه بتحصلى ومش عارف قلى طب اتحرك انا منتظرك دورت العربيه ووصلت عند جاسر بيقلى فيه ايه وايه الحاجه الغريبه اللى حصلتلك رحت مطلع الورقه واديتهاله لقيته بيقولى فيها ايه الورقه فاضيه مفيهاش حاجه ببص ف الورقه فعلا الورقه فعلا فاضيه مش مكتوب فيها اى حاجه وانا واثق ان دى الورقه ومكتوبه بالدم طب ازاى نزلت قلبت العربيه مفيش اى ورق موجود غير الورقه البيضاء دى جاسر قالى كان فيها ايه رحت حكيله قالى يابشمهندس فيه حد يصدق الخرافات دى عموما لو قلقان من العمليه دى بلاش منها قلتله قلق بس عموما عادى بقا انا اخترت اوصل لنهايه اللى بيحصلى ده لقيت جاسر بيضحك وبيقولى يامراد دى هلاوس عدم راحه وقله تركيز قلتله اتمنى ودورت العربيه واتحركت انا وجاسر وشويه التلفون رن كان الحاج صفوان الو ايه يابشمهندس وصلت لحد فين قلتله ف الطريق ساعه ونص وهكون عندك باذن الله قالى تيجوا بالسلامه كنت وقتها عند الرست رحت واقف وقلت لجاسر تعالى نشرب قهوه ونكمل قالى يالا ونزلنا شربنا قهوه وجبنا شويه حاجات وقلتله سوق انت بقا قالى ماشي واتحركنا ومشينا لقيت التلفون رن كانت ميرڤت مراتى بقلها خير ياحبيبتى فيه حاجه قالتلى لا بطمن عليك بس قلتلها فضلى حاجه بسيطه واوصل وقفلنا مع بعض لقيت صفوان بيتصل رديت، عليه قلتله انا خلاص نص ساعه بس وهوصل ان شاء الله قالى تمام بس اول متدخل طريق العلمين رن عليا عشان هنتظرك نروح الاستراحه قبل منروح تعاين الارض قلتله ليه قالى اسمع الكلام بس يابشمهندس هتلاقينى واقفلك بعد مدخل العلمين ب25كيلو ونطلع على الاستراحه وفعلا بعد شويه رحت متصل عليه لقيته بيقلى تمام حمد لله على السلامه هتلاقينى منتظرك وقفلت معاه وقلت لجاسر بعد 25كيلو هتلاقيه منتظرنا قالى ماشي ووصلنا عنده لقيته ف العربيه قالى عشر دقايق من هنا هنكون ف الاستراحه ومشينا وراء بالعربيه وفعلا عشر دقايق لقينا نفسنا قصاد قصر ولاقصور الف ليله وليله ومسميها استراحه نزلنا من العربيه راح مرحب بينا وقلنا ارتاحوا على مالفطار يجهز وتناملكوا شويه وعلى العصريه ننزل ناخد جوله ف الارض وفعلا وافقنا والفطار جه قعدنا كلنا وقمنا راح باعت معانا السكرتير دخلنا اوضه وغيرنا هدومنا وقلنا ننام شويه 

وفعلا نمنا وشويه ولقيت •••

#يتبع

فتحى الصاوي

مــــنـــطـــقـه الـــمــوت

                           الــجـــزء الـــرابـــع

وغيرنا هدومنا وقلنا ننام شويه 

وفعلا نمنا وشويه ولقيت •••

ايد بتتمد بتصحينى فوقت مخضوض لقيته سكرتير الحاج صفوان بيقلى ايه يابشمهندس بصحيك بقالى كتير قلتله معلش ببص جانبى ملقتش جاسر بساله بقله فين جاسر قالى موجود دخل الحمام قلتله تمام رحت قايم قعدت على السرير لقيت جاسر خرج من الحمام ووشه مخطوف بساله مالك كان سكرتير صفوان ده خرج بقوله فيه ايه يابنى قالى الحيوان ده فزعنى وهو بيصحينى خلانى قطعت الخلف وكنت اصلا ف كابوس غلس قبل مااصحا بقله احكيلى لسه هيحكيلى دخل سكرتير صفوان الزفت ده بيقلنا الغداء جاهز قلتله لا مش بنتغدا دلوقتى بعد منعمل معاينه الارض ونرجع نبقا نشوف موضوع الغداء ده 

ورحت قايم داخل الحمام وانا ف الحمام حاسس بهمس ونفس حوالين منى اتسمرت مكانى شويه ورحت منادى على جاسر لقيته مش بيرد ناديت بصوت اعلى برضه مردش بنادى لرابع مره سمعت صوت مرعب بيقلى اهلا بيك ف ارض الجحيم اللى اخترته بارداتك والصوت اختفى ولقيت المرايا اللى ف الحمام بتنزل نقط دم بس مكنش بيقع كان بيترسم لكتابه واتكتبت كلمه ملعوووون اربع مرات ونهايتك الموت رحت صارخ لقيت جاسر دخل بسرعه فيه ايه ف ايه بقله بص وبشاور ناحيه المرايا كانت الكتابه اختفت ولاكان فيه حاجه حصلت بقله ناديت عليك كتير قالى ناديت ايه بس انا قاعد بره واول ما صرخت جتلك جرى رحت خارج من الحمام وانا بلبس رحت حكيله قالى ازاى يعنى قلتله مش عارف بقا والغريب بقا ان ولا السكرتير ولاصفوان ظهروا مع ان صوتى يوصل لااخر القصر لما صرخت 

رحت واخد جاسر ونازلين ولقيت صفوان قاعد تحت هو والزفت السكرتير اللى معاه ونظراتهم مش مريحه خالص قلتله جاهز ياحاج عشان نشوف الارض قالى مستعجل ليه كده قلتله قبل الليل قالى معاك حق يالا بينا قالى سيب عربيتك واركب معانا انت والمهندس جاسر قلتله لا عشان معانا الاجهزه اللى هقيس بيها الارض وجهاز اختبار الارض قالى ماشي اللى يعجبك رحت راكب عربيتى مشينا حوالى تلت ساعه واول ماظهرت الارض استغربت هى نفس الارض اللى شفتها مفيهاش حاجه متغيره يانهار مش فايت دى هى لسه هقول لجاسر لقيت جاسر متنح بيقول مش معقول دى الارض اللى كنت فيها ف الكابوس بقله ايه قالى الكابوس اللى حلمت بيه وكنت هحكهولك بسبب الزفت سكرتير صفوان كنت بحلم بالارض دى وانا ف وسطها تايه مش عارف اوصل لااى حاجه وكل مااوصل للخروج الاقى الارض لفت بيا وشفتك متكتف ف قلب الارض ومش عارف حتى انجدك قلتله نعم قالى خير ربنا يسترها من الشغله دى قلتله انا هرفض المشروع ده قالى بتكلم بجد قلتله اااااه خلاص يالا بينا حتى الراجل ده مش هعبره ولا حتى هقله بلف العربيه عطلت مش عاوزه تتحرك احاول ارجع بالعربيه ثابته ف مكانها الف مفيش فايده العربيه كانها عاوزه تكمل المشوار مبتتحركش غير على طريق الارض وبس لقيت جاسر قالى كمل يامراد الل عاوزه ربنا يكون كمل لما نشوف اخرتها ايه لقيت عربيه صفوان وقفت ولقيت اربع رجاله موجودين ف الارض صفوان راح نازل  من العربيه وانا وجاسر نزلنا وبصيت على الارض حسيت ان الارض اترجت تحت منى بقلهم ايه ده فيه زلزال ولاايه قالولى ايه ازاى يعنى يابشمهندس قلتلهم الارض بتنحرك تحت رجلى ووقفت قالوا لا طبعا مفيش الكلام ده قلتلهم عادى بقا يبقا احساس وهمى 

رحت متمشي ف الارض انا وجاسر لحد مبعدنا شويه عن صفوان ورجالته قالى مراد الارض دى غريبه بجد انا عملت مشاريع كتير وعاينت اراضى بس الارض دى غير الارض دى لوقبلنا المشروع هنشوف مشاكل كتير بقله ليه بتقول كده قالى الارض تحسها مليانه حزن وشر قلتله بقلك ايه انا خلاص مش هقدر اكمل ف الارض دى ثانيه وهعتذر لصفوان يشوف شركه غيرنا انا مش هشتغل المشروع ده لقيت جاسر اختفى من قصادى ولقيت الارض راحت ف سواد وعتمه وظهر الوحش اللى شفته لقيته بيضحك بسخريه ورعب وبيقولى خلاص يامراد فات الاوان والعهد اتاخد حتى لومكملتش وهربت هتشوف الجحيم انت اتحديت ملك غضرفان ملك عشيره الجن السفلى نصحك بالابتعاد وانت ركبت راسك ودوست على نصيحته بعندك وبغبائك اتحمل بقا العذاب اتحمل الموت والجحيم ولسه هقله انا لقيته اختفى وجاسر ظهر بيقلى ايه بكلمك سرحت ف ايه يامراد قلتله خلاص فات الاوان ياجاسر فات الاوان حتى الهروب مبقاش فيه مفر لازم اكمل واعرف سر الارض الغريبه دى لقيت جاسر مستغرب قالى يعنى ايه قلتله هكمل مادام مفيش مفر خلاص وفات الاوان هات المجسات بتاعت اختبار الارض وناخد منها عينه ونحلل نوع تربه الارض وكده كده مساحه الارض هنعرفها لما تبعت موظفين المساحه يقولو مساحتها لقيت جاسر بيقلى انتى اخدت القرار ده ازاى والعواقب قلتله خلاص ياجاسر هبقا افهمك كل حاجه لما نمشي لقيت صفوان بينادى علينا ايه يابشمهندس مراد الليل قرب يدخل قلتله خلاص خلصت وخدت عينه من تربه الارض عشان اعرف مدى صلابتها وقوتها والمواد اللى هتستخدم ف الحفر والبناء قالى تمام يالا بقا الليل دخل اهو قلتله تمام يالا ولميت انا وجاسر الحاجه وركبنا العربيه واتحركنا واول ماتحركنا ببص ف المرايا لقيت خيالات كتير بتظهر ف الارض ولقيت جاسر بيصرخ بيقلى حاسب يامراد كنا هنقع ف المصرف اللى على شمال الطريق رحت ضارب فرامل والحمد لله ربنا سترها لقيت عربيه صفوان كانت وراناوقفت لقيت سكرتير صفوان نزل خير يابشمهندس قلتله الحمد لله جت سليمه قالى طيب خليك ورانا انت انا حافظ الطريق وخليك وراء منى قلتله ماشي رحنا مكملين ف طريقنا عادى لحد ماوصلنا للقصر ركنت العربيه ونزلت لقيت الحاج صفوان بيقلى يالا الاكل هيجهز انتوا متغدتوش قلتله ماشي هنطلع نغير بس الاول وهننزل 

طلعنا انا وجاسر قعدنا نتكلم ف اللى حصل ولقيته بيقلى مراد بلاش بجد الارض دى فيها كارثه هتحصل بلاش منها قلتله فات الاوان مينفعش نتراجع خلاص الملك غضرفان ملك عشيره الجن السفلى قالى نعم قلتله اااه خدها تحدى وانى اتحديت مملكته وهو خلاص سواء اتراجعت او مترجعتش ناوى على الاذي وانا خلاص قبلت وباذن الله هلاقى حل واشوف اخره صفوان ده ايه قلتله معايا ولا ياجاسر قالى بص يامراد احنا من واحنا طلبه واحنا مع بعض مفيش حاجه هتفرقنا ولا غضرفان ولا يحزنون وربنا معانا بس قبل منشتغل ف الارض هنجيب الشيخ علام فاكره يوم المدافن قلتله ده كان حته يوم كنا فعلا مرعوبين من الخوف مهندس زميلنا والده مات وكان هيدفن بليل واحنا لحقناهم على المدافن بس توهنا منهم ومكناش عارفين نخرج وكل منلف من اتجاه نتوه اكتر لحد مالقينا واحد ست عجوزه ومعاها بنتين رحنا واقفين عندهم سالناهم على طريق الخروج فالست الكبيره قالتلنا خدونا معاكم لحد بره هنخرجكم من هنا قبلنا طبعا واول ماركبوا بقولها نطلع منين ياحاجه ياحاجه نطلع منين جاسر بيبص وراء مش شايف حد وانا رحت باصص ف المرايا لقيت اشكال غير اللى ركبت واحده بتطلع سكينه من رقبه التانيه واحده بتهجم على جاسر تكتفه والست العجوزه مضروبه بخنجر ف بطنها ووشها كله متقطع رحت صارخ وجاسر اغمى عليه لما حس انه اتكتف ونفسه اتكتم ومع صرختى ظهر الشيخ علام وكان خرج من بطن الارض وراح قارى قرأن وخرج الارواح من العربيه وهدانى وفوق جاسر وقلى ايه اللى جابك هنا رحت حكيله قالى احمد ربنا انت وصاحبك انى ربنا بعتنى ليكم كان زمانكم محدش عطر عليكم بسبب الارواح اللى ظهرتلكم دى كانوا هيخلصوا عليكم ويدفنوكم ف اى مدفن ومحدش كان عرف عنكم حاجه بقلوا دول مش بنى ادميين زينا قالى بنى ادميين مين يااستاذ بقلك عفاريت ناس اتقتلت وادبحت وبيظهروا لاى اتنين رجاله يخلصوا عليهم ولاكان حد شافكم بقوله اشمعنا قالى لانى اللى قتلوهم اتنين رجاله دى ست وبناتها الاتنين كانوا مروحين بليل وطبعا الليل بيكون فيه السواقين شاربين ولاجل حظ الستات المهبب ده ركبوا عربيه مع اتنين رجاله بحجه يوصلوهم لكن اغتصبوهم وقتلوهم ومن ساعتها وهما كده ودى مش اول مره انقذحد من ايديهم بقله وانت عرفت ازاى قالى الحمد لله ربنا مدينى العلم ف الكلام ده وازاى اقدر احل اى حاجه 

وبعد ماافتكرت انا وجاسر الشيخ علام لقيت سكرتير صفوان بينادى علينا رحنا خارجين ونازلين لقيت صفوان قاعد منتظرنا ومعاه اتنين باين انهم صحابه رحبوا بينا وسلمنا عليهم كان الاكل بيتحط والحاج صفوان عرفنا بيهم وطلعوا اصدقائه وشركائه ف الارض دى طبعا كلنا وخلصنا وقعدنا اتكلمنا معاهم ف الشغل وبعد ماخلصنا خرجنا قعدنا ف جنينه القصر ولسه هنقعد لقيت حاجه غريبه ظاهره من شباك الاوضه اللى قاعدين فيها •••• 

#يتبع

فتحى الصاوي

مـــنـــطـــقــه الـــمـــوت 

                             الـــجـــزء الـــخـــامــس

ولسه هنقعد لقيت حاجه غريبه ظاهره من شباك الاوضه اللى قاعدين فيها •••• 

لقيت خيال جوه الاوضه والنور عمال ينور ويطفى رحت سايب جاسر وطالع جرى على الاوضه وجاسر جرى وراء منى والغريبه دخلت القصر ملقتش ولاصفوان ولا الناس اللى معاه ولا حتى السكرتير وطبعا كملت طلوع وصلت للاوضه لقيت الاوضه مفيهاش حاجه والنور كان مطفى استغربت لقيت جاسر حط ايده على كتفى اتفزعت بلتفت لقيته جاسر بيقلى فيه ايه يامراد قلتله كان فيه خيال ف الاوضه والنور بيولع ويطفى طلعت ملقتش حاجه وكل حاجه طبيعيه قالى مراد انا مبقتش قادر اتحمل احنا هننزل القاهره امتا قلتله الصبح قالى لا مفيهاش الصبح اول مالفجر ياذن هنمشي جهز نفسك لسه الساعه ١١مساء قلتله وانت طالع شفت صفوان والناس اللى معاه قالى لا قلتله احنا مش سبناهم ف جوه ف القصر ومكملناش عشر دقايق ودخلنا جرى لحقو يختفوا قالى عادى ممكن يكونوا دخلوا المكتب او دخلوا اوضتهم قلتله لا تعالى ننزل نشوفهم نزلنا لقيناهم قاعدين استغربوا صفوان بيقلنا انتوا طلعتوا امتا قلتله من شويه صفوان قالى اه واحنا ف المكتب رحت قيله ايه حكايه الارض دى قالى حكايه ايه يابشمهندس قلتله حكايه الارض بتاعه المشروع قلى ولاحكايه ولاحاجه ايه غيرت رايك يابشمهندس مراد ايه يابشمهندس جاسر صرفتوا نظر عن الشغل ولاايه رديت وقلت لا طبعا بس فيه حاجات غريبه بتحصلنا من ساعه ماوافقت اجى اعمل معاينه لقيت واحد من صحابه بحلق بعنيه اووووووى وفضل متنح بياكد شكوكى حوالين صفوان ده ان امره مريب لقيت صفوان بيقلى مسافه ماتبدا كل ده هيروح هو بس عشان المشروع كبير انت مخطوف حبتين عموما انا مش هعمل المشروع ده غير معاك قلتله وانا قبلت المشروع عشان عاوز افهم مش اكتر قالى ماشي يابشمهندس قلتله باذن الله هتحرك الفجر قالى ليه يابشمهندس قلتله عشان فيه مواعيد معايا واستاذنته وخرجت انا وجاسر وعينى راحت على الاوضه بس المرادى مفيش حاجه لقيت جاسر بيقلى هنروح للشيخ علام قلتله ااااه لازم اروحله قالى تمام يالا بقا نحاول نرتاح شويه قبل الفجر قلتله لا اطلع انت ريح انا هتمشي شويه قالى مراد بتفكر ف ايه قلتله ف الى بيحصلى ده قالى سيبها لله قلتله اطلع انت ارتاح وانا شويه وهحصلك قالى بس متغبش قلتله ماشي واتمشيت شويه لحد مارجلى وصلتنى لحد بوابه القصر وانا مش عارف وصلت هناك ازاى فوقت على صوت تزييق البوابه بطريقه مفزعه كان حد بيعافر معاها ومش عاوزه تتفتح وشويه لقيت صوت بيقلى مرحبا بيك ف ارض الجحيم كان صوت صارم مرعب بقوله انت عاوز منى ايه انتوا خلاص اخدته العهد وانا اخدت القرار هتعملوا فيا ايه تانى عاوزين منى ايه رد عليا او اظهر قالى اظهرلك هظهرلك بس هخليك تشوف منظر يسر قلبك ويخليك تعرف حجم الجحيم اللى اخدت قراره وراح ظاهر حاجه كبيره اووووووى وفضلت تقل لحد ماوقف قصادى ولقيته بيلفلى وشه مكنش وش كان راس غول بانياب غريبه وعيونه بطق شرار وحمراء جدا اتفزعت لما شفت منظره

ولقيته بيقلى انت اتحدتنا واحنا مش هناذيك على طول احنا هناذيك بهدوء لان الملك غضرفان عاجبه شجاعتك وعاوزك تركعله وتترجاه انك تموت لان اللى هتشوفه هيخليك ف جحيم لحد ميامرنا انك تنتحر 

بص وملى عينك بص كده ناحيه البوابه هتشوف اللى هيخليك تتمنى الموت بصيت ناحيه الباب لقيت الباب اتحول لشكل الارض وجواها والدى ووالدتى والهياكل بتنهش فيهم وانا بحاول انقذهم مش قادر متكتف مش عارف اوصلهم لقيتهم بينادوا عليا وانا مش قادر اتحرك ولقيت الوحش اللى ظهرلى راح نازل من السماء والهياكل ماوقفتش فضلوا مكملين نهش ف لحم ابويا وامى ولقيته ضحك وراح باصصلى وعيونه كتله ناااااار وف ايديه ابنى ممدوح وبياكل ف جسمه ومش قادر اوصله مش قادر اعمل حاجه لقيت نفسي بنهار وركعت على الارض وبرفع عينى ناحيه البوابه كل حاجه اختفت ولقيت ايد اتحطت عليا مالك يابشمهندس كان سكرتير صفوان كنت زى المجنون قلتله شفت اللى شفته اكيد شفت مانت جاى من بعيد ووشك للبوابه قالى اهدى يابشمهندس البوابه زى ماهيه اهى وانا شيفك من بعيد عمال تتحرم لحد ماوقعت جيتلك جرى قلتله ازاى البوابه كان فيها قالى اهدا يابشمهندس وتعالى اوصلك لاوضتك انت باين ان اعصابك تعبانه من ساعه الحادثه يالا يابشمهندس قمت معاه قلتله الساعه كام قالى ١.٣٠صباحا قلتله انا هنزل مصر حالا قالى ازاى يابشمهندس مش هينفع قلتله همشي يعنى همشي قالى بص يابشمهندس لو خرجت من هنا انت مش هتظهر تانى وهتختفى انت وصاحبك للابد بقله انت بتقول ايه قالى يابشمهندس الطريق هنا متلغم بكل حاجه حراميه وقتلين قتله والليل ده بيكون شغلهم وساعتها مش هنقدر نحميك النهار له عينين يابشمهندس والحاج قالى اننا هنمشي معاك الفجر فخلاص كلها ساعتين تلاته قلتله ماشي وطلعنى لحد الاوضه رحت داخل لقيت جاسر نايم ورحت واخد التلفون ومتصل على والدتى مردتش ارن ومحدش بيرد رنيت كتير اووووى ومحدش برضه رد طمنت نفسي وقلت اكيد نايمين رحت قاعد فضلت افكر وانا قاعد سمعت صوت خارج من الحمام دخلت ملقتش حد بس لقيت على الحيطه دم ومكتوب ده دم ابوك وامك اتصل مهما تتصل محدش هيرد عليك رحت جارى من الحمام صحيت جاسر قلتله قوم البس بسرعه هنمشى قلتله الفجر اذن قلتله لا لسه الساعه ٢ اخلص ياجاسر لازم اكون ف مصر حالا بيقلى فيه ايه قلتله اخلص بنرفزه هبقى احكيلك ف الطريق يالا بسرعه قلى حاضر ودخل الحمام وخرج بقله مشفتش حاجه جوه قالى لا عادى وراح يلبس كنت انا بلبس وخلصنا ورحت نازل فاتح باب القصر وخارجين لقيت صفوان رايح فين يابشمهندس قلتله ماشي قالى فاضل ساعتين على الفجر قلتله لازم امشى حالا فيه مصيبه ف مصر ولازم انزل قالى مصيبه ايه قلتله مش وقت حكى اوصل مصر وابقا اكلمك قالى بلاش يابنى تمشي دلوقتى قلتله همشي واللى يحصل يحصل قالى ماشي براحتك خد عربيتى عشان اى حد يعترض طريقك عارفين العربيه وسبلى عربيتك هرجع انا بيها الفجر وهكلمك اول ماوصل تمام تيجى تاخد عربيتك قلتله لا هسافر بعربيتى قالى اسمع الكلام وراح مزعق قلتله ماشي واخدت عربيته ومشينا وفعلا ف الطريق كان فيه ناس بسلاح محدش قرب مننا وكان فيه عربيات جيب ماشيه رايحه جايه على الطريق ومفيش حد بصلنا حتى لحد ماخرجنا من الطريق المقطوع ده بعد حوالى ساعه الاربع ومسكنا الطريق السريع كنت سايق باقصى سرعه ولقيت التلفون بيرن بقول لجاسر شوف مين لقيته بيقلى البيت قلتله رد بسرعه وشغل المايك شغل المايك كان صوت والدتى ايه يامراد يابنى فيه ايه اتصلت كتير ليه كده خير يابنى قلتلها انتى ياماما بخير وبابا كويس قالتلى هو لسه مصحينى عشان الصلاه خير قلقتنى يابنى قلتلها لا ياامى انا كنت عاوز اطمن عليكم قالتلى احنا بخير يابنى متقلقش انت فين قلتلها راجع ف الطريق اهو وهعدى عليكم قبل مااروح قالتلى طيب ياحبيبى تيجى بالسلامه ورحت قافل لقيت جاسر بيقلى انت شفت ايه يامراد جننك كده رحت حكيله قالى وهنعمل ايه قلتله هنكمل عاوز تبعد ابعد انت ياجاسر كلامهم بيقول انهم خدوا العهد على اذيتى فاابعد لان مش عارف حجم المخاطره هيوصل بيا لفين ياجاسر قالى انت بتهزر انا معاك للنهايه قلتله تسلم ياصديقى قالى هنروح للشيخ علام النهارده بس مشكلته انه مبيظهرش غير بليل وبيكون بالنهار معتكف قلتله مفيش مشكله ليل زى النهار وشويه كنت واصل القاهره وصلت جاسر ورحت طالع على البيت عند ابويا اطمنت عليهم وقعدت معاهم لقيت امى لونها مخطوف بسالها فيه ايه قالتلى لا يابنى مفيش حاجه كانت الساعه داخله على ٦صباحا رحت سيبهم ورايح على البيت عندى اول ماوصلت لقيت النور ف الڤيلا عندى كله منور ولقيت عم عطيه على البوابه بقله فيه ايه قالى ممدوح كان تعبان اوووووى نزلت جرى من العربيه ودخلت جرى على البيت لقيت ميرڤت وحماتى قاعدين بيعيطوا وممدوح نايم بس لونه مخطوف ووشه اصفر جدا بسال امه ايه اللى حصله قالتلى كنا نايمين وفجاه لقيناه صاحى بيصرخ وعمال يكسر ف كل حاجه وعلى ماوصلنا الاوضه عنده لقيناه رايح عند البلكونه وعاوز يرمى نفسه لحقناه بالعافيه وطلبنا دكتور معتصم جارنا جه جرى واداله حقنه هدته ونام وقالنا لازم يتعرض على دكتور مخ واعصاب الولد فيه حاجه مش طبيعيه انه يوصل للمرحله دى رحت مقرب من ابنى ورحت بايسه ولسه بحط ايدى على دماغه لقيت ••• 

 #يتبع

بقلم / فتحى الصاوى