لانس ينهي اجراءات التعاقد مع لاعب تشيلسي السابق - الهرم المصرى نيوز

 

لو ركزنا كده على حياتنا بنكتشف أننا كلنا فترات فى حياة بعض والدنيا لا تتوقف بفقدان شخص ونواصل فيها مشوار حياتنا رغم من افتقادنا للأشخاص البنحبهم وانها حقيقه و وواقع فى حياتنا جميعا ، لكن نحنا عندنا تعلق بالأشخاص وخوف من الترك والهجر أو فقدان الأشخاص من حياتنا وبننصدم لما شخص يخرج من حياتنا أو نخاف نحن نخرج من تعلقنا بالأشخاص لمجرد إننا بنحبهم ومتعلقين بيهم لكن مايؤلم اكتر إننا ما بنكون مرتاحين في حبنا ليهم.

ولا مرتاحين من وجودهم فى حياتنا لانو ما بنحس بالسعادة معاهم.

فى شخص لما تقابله بتكون محتاج تكون معاه فتره ةدا بعلمك إن ليس كل الناس تستاهلك ولا تستاهل حبك ولا وقتك ولا مجهودك ولا عطائك ولا ثقتك.

فى شخص تانى بعلمك درس إنك تتعلم تفرق ما بين الأشخاص علشان تعرف مين الفيه الخير و مين الفيه الشر.

وشخص اخر بعلمك إن ماتثق في اي شخص ولا اي شخص تقدر تستأمنه على قلبك وثقتك وحياتك وأسرارك.

فى شخص بتتمني ربنا يرزقك بكل صفاته الكنت بتتمناها من زمان ويظهر فى حياتك وتحبه وتتعلق بيه لكن للاسف بظهر ليك فى الوقت الغلط لا بتقدر تقرب منه و تكمل معاه وبكون إختيارك الوحيد هو البعد عنه.

وشخص آخر بكون مناسب ليك ولكل احتياجاتك لكن ما قادر تتقبله ولا بتحبه لكن علاقتك معاه  بتكون مريحه.

فى شخص آخر لما يدخل حياتك معرفته تكون كلها خير ومحبه فى الله وبترك فيك رساله طيبه وبصمه جميله لكن دوره بنتهي سريع فى حياتك.

فى صديق يدخل فى حياتك بعلمك درس إنك ما تقول علي أى شخص صديق وعزيز لانه بخذلك ويغدر بيك بالرغم إن ما بينكم عشرة سنين وما اسأت ليه .

وصديق تانى يدخل حياتك تتعلم منه إن الصداقه ما شرط تكون بعشرة السنين او بالايام الصداقه الحقيقيه مواقف بتعرفها من خلاله يعنى ما معني الصديق الوفي صاحب المواقف الجميل وعمرة ما بخذلك  أبدا ويكون سند ليك  بكون معاك في الحلو وفي المر.

والدنيا بتعلمك دروس وكل درس فيه إختبار وبتعلمك صح وبزيادة وبتكون قاسية عليك جدا جدا وبتعملك إختبار مفاجئ فى شئ غير متوقع خارج توقعاتك وتختبرك في أكتر شئ إنت متعلق بيه وبتحبه وفى أعز واغلى شئ على قلبك.

صدمتك فى الأشخاص البتحبهم بتكون كانها طلقه وسط قلبك وكف علي وجهك عشان تفوق من الغيبوبه الانت فيها.

لدرجة يغمي عليك وبتتألم لكن مع الوقت جرحك بطيب وبترك فيك اثر وندبة جوه قلبك  والندبه دى هي البتقويك بعد كده.

و ذى ما بيقولو الطلقة الما بتقتلك بتقوىك وانت كنت محتاج الضربه القاسيه دى عشان تقوى وتقسى وما تتعلق باي شئ  فى الدنيا وتختار نفسك و راحتك وسعادتك.

وحتى لو الاختبار صعب اياك تستسلم وقاوم  بكل طاقتك وقوتك وشراستك القرار فى يدك يا تبقى قوى وتعدى وتبقى رافع راسك بكل فخر يا تبقى ضعيف وتعيش مكسور ومقهور طول عمرك.

وتاكد  إن ربنا بجعل الأشخاص فى حياتك فى التوقيت الآلهى وعلى حسب المخطط الالهى و كلها ترتيبات ربنا

ولكل شخص بيدخل فى حياتك سواء كمل معاك أو تخلي عنك كان ليه دور أو مهمه أو رساله أو حكمه أو درس إنت كنت محتاج تتعلمه منه ولما مهمته تنتهي علاقتك بيه بتنتهى وتخلص أوعى تزعل من خروج أى شخص من حياتك لأنو نحن كلنا فترات فى حياة بعض  إتعود ما  تتعلق بأى شخص سواء على( حبه ،وجوده ،غيابه ،كلامه أفعاله ،مساعدته، دعمه) عود نفسك إنك ما تتعود ولا تتعلق بأى حاجه فى الدنيا دى لأن مافي حاجه مضمونه ولا فى اى حاجه ثابته.

أوعى تضع مخزون طاقتك ومحبتك في حاجه إتعلقت بيها أو ربطت سعادتك بيها و تهلك نفسك بنفسك لذلك لازم تجعل مسافة الأمان بينك وبين اى شخص فى حياتك وتوقع الصدمات من اى شخص فى حياتك.

اوعى تسلم نفسك ومشاعرك بالكامل لاى شخص.

اوعى تظهر نقاط ضعفك لاى شخص علشان ما يستغلها ضدك ويتحكم فيك لانك كده بتدية صلاحيه إنه يجرحك ويأذيك و يألمك ويغدر بيك ويخذلك.

اوعى تبقى كتاب مفتوح لاى شخص ويكون عارف عنك كل حاجه بالذات نقاط ضعفك وعيوبك حتى مع نفسك لا تسلم نفسك لأفكارك ولنفسك لأن النفس أمارة بالسوء و صوتنا الداخلى السلبى الضعيف كافى أنه يدمرنا ويدمر افكارنا الايجابيه.

ربنا يخفف عننا جميعا كل الاختبارات والابتلاءات الصعبه ويختار لنا كل ما فيه الخير دائما ويجبر بخاطرنا جميعا

محجوب الخليفة ( رحال )

القاهرة ٢٩/ مايو /٢٠٢٤م