حرائق سارة - الهرم المصرى نيوز

 

بسم الله الرحمن الرحيم 

بقلم / فتحى الصاوي

    (الــجــزء الــسـابــع) 

انا جيلك بخصوص شغل يابشمهندس قلتله تحت امرك شغل ايه خير ودخلت ناريمان السكرتيره وطبعا طلبت قهوه منها للضيف وقعدنا نتكلم ف الشغل انا وجدى وبعد شويه قام وجدى وقال هنتقابل تانى وانصرف من المكتب رنيت الجرس للسكرتيره ودخلت سالتها على المهندس جاسر وصل ولا قالتلى ف مكتبه وفجاه هى بتبص على فنجان القهوه بتاع الضيف قالتلى ده الضيف اللى كان مع حضرتك مشربش قهوته 

قلتلها ازاى ده مخلص فنجانه قصادى حتى انه شكر ف البن جدا بدات اتوتر واحس ان فيه حاجه غلط وطبعا عدى اليوم لحد ماجه وقت انى اقابل الشيخ علام وقابلت جاسر وروحنا للمقابر وقبلت الشيخ علام وحكتله اللى دار مابينى وبين وجدى وقالى  ده مبعوتلك من الملك غضرفان ملك عشيره الجن السفلى والجن ده يامراد كان واخد العهد مع صفوان انه يظهرله المقابر الاثريه نظير قرابين بيقدمها صفوان وهى الناس اللى بتشتغل ف مشاريعه ومنهم اللى بيختفى ومبيظهرش ومنهم اللى بيلاقوه جثته بدون ملامح وانت هتكون قربان انت ورجالتك بس فيه حاجه عاوزه تفسير ازاى انت اتحدتهم وازاى هما صبروا عليك كده انت المفروض كان زمانك ميت زى غيرك وليه انت بالاخص يحذروك ولغايه دلوقتى هما معملوش معاك حاجه كل اللى اتعمل ده هزار والجن السفلى مبيهزرش ياترى مين اللى حميك ومخليهم لحد دلوقتى مش عارفين ياذؤك قلتله كل اللى حكتهولك ده ومتاذتش ياشيخ علام لقيته راح ضاحك قالى اذي ايه ده

 بس فيه لغز وبعون الله هعرفه المهم انت هتروح الارض تانى يامراد قلتله اااااه قالى اناهكون وياك على اساس انى مهندس زميلك والحمد لله ان صفوان لما جالى كذا مره معرفش انا مين ولاانا رضيت بمقابلته لانى عارف انه محراب شر يامراد عاوزك تكلم مع والدك ف موضوع المشروع تانى بتاع صفوان وعاوزك تكون مسجل القعده دى بكاميرا عشان عاوز اشوف والدك خصوصا وهو بيتكلم ف صفوان وبلاوى صفوان وعاوز لما صفوان يكلمك سجله المكالمه تمام ويالا قوموا وامشوا ومتبصوش وراكم لحد متخرجوا من هنا وخدوا الحاجات دى تحصين لبيوتكم واهاليكم وكل مكان ليكوا سيبوا فيه كيس من دول وف عربيتاكم كمان لان التحصينات دى كمان مش هتعرف الجن انكم قابلتونى او انى هكون معاكم تمام قلتله تمام ياشيخ علام يالا قوموا امشوا ومتبصوش وراكم لحد متخرجوا لان دى ساعه الشر هنا يالا مع السلامه خدت بعضى ومشيت انا وجاسر وحاسين برعب وحاسين ان فيه عيون مراقبانه وصلنا لحد العربيه ويدوب ركبنا العربيه وقفلنا لقينا قط اسود ضخم نط على العربيه وعيونه كلها حمرا وبيبرقلنا اووووووى واول مادورت العربيه لقيته اختفى وطبعا اعصابنا سابت رحت ماشي بالعربيه ورحت خابط ف سور تبع مدفن قلت تولع العربيه والله مانا نازل ومشيت وانا ماشي قبلت الست والبنتين ف الطريق طبعا موقفتش وعديت من جنبهم باقصى سرعه ودخلت طريق كله عتمه بس ده الطريق اللى باجى منه قلت لجاسر احنا صح قالى ااااه بس الطريق عتم ليه بفتح نور صالون العربيه اتفاجت بالست قاعده وراء ومبحلقه عيونها والبنتين مش معاها وبتضحك ضحكه مرعبه ببص لجاسر جاسر متنح ببص تانى ملقتش الست موجوده قلت اكيد دى تهيؤات وجاسر لقيته طبيعى ومبقاش متنح وبيقولى خلاص الطريق المهبب ده هيخلص الطريق قصادنا اهو ومليان نور قلتله تمام بقله انت مشفتش الست اللى ركبت قالى انت بتهزر ماحنا ماشيين اهو ومفيش حد بقله والله شفتها كانت قاعده وراء قالى يامراد متهزرش قلت ف عقلى دى تهيؤاات لقيته قالى انا بثق ف الشيخ علام ومدينا شنطه بيقلك فيها تحصينات هيركب معانا ارواح تانى كمل يامراد خلى المشوار الاخبر، ده يخلص على خير وصلنا عند الشركه اديت لجاسر الشنطه اللى قال عليها الشيخ علام وركب العربيه بتاعته ومشي وانا كمان مشيت روحت على البيت سالت على الولاد وبالاخص ممدوح ميرڤت قالتلى لا كويس مفهوش حاجه وطول اليوم بيلعب مع اخواته عادى والاستاذ فهمى الصغير نايم زعلان عشان بقاله كام يوم مبيشوفكش ولابتجبله الشكولاته بتاعته قلتلها معلش ابقى هاتيله اللى هو عاوزه هو واخواته لحد بس ماافضى واكون معاكم بتسالنى الشنطه دى فيها ايه قلتلها شويه حجات دينيه هحطها ف الاوض قلتلى دينيه ازاى مصاحف قلتلها لا قران ورقيه مكتوبين على ورق بردى تحصينات للبيت بس خدى بالك من الولاد وام هانم متخلهاش تشيل منهم حاجه تمام قالتلى حاضر رحت داخل واخد دش وانا تحت الميه حاسس ان فيه حد موجود ف الحمام وشويه لقيت الميه سخنت فجاه رحت خارج من تحت الدش بشوف الميه لقيتها عاديه مش سخنه رحت رايح ناحيه الميه وبكمل الشاور لقيت جسمى كله بقا احمر والدش منزل دم رحت خارج جرى لقيت مفيش حاجه اصلا رحت منشف جسمى وخارج لقيت ميرڤت قاعده على السرير ومديانى ضهرها بقلها ياميرڤت مش بترد عليا رحت مقرب منها وبزقها ف كتفها اعوذ بالله وش الست اللى ظهرت ف المقابر والمرادى وشها كله دم وعنيها مش موجوده وبتضحك ضحكه مرعبه وعماله تتحرك وبتقوم وبتقرب منى اوووووى وانا متكتف مش قادر اتحرك ولاحتى قادر اصرخ وبتقرب منى وقلتلى كلمه واحده ملعون واختفت ببص لقيت ميرڤت داخله الاوضه ولقيتنى متوتر بتقلى ايه يامراد مالك قلتلها مالى انتى كنتى فين قلتلى كنت بطمن على الولاد فهمى صحى دخلته التوليت ورجع نام قلتلها طيب انا عاوز انام قالتلى مش هتتعشي قلتلها لاسيبينى انام وصحينى على الساعه ٩ قالتلى هتلحق تنام كده الساعه دلوقتى ٣الفجر قلتلها معلش قومينى بس ف الميعاد رحت نايم 

صحيت على صوت ميرڤت بتقولى يالا يامراد بقالى ساعه بصحيك قلتلها حاضر قايم اهو قمت ودخلت الحمام وخرجت غيرت هدومى ونزلت لقيت حماتى صاحيه ومعاها علياء وممدوح صبحت عليهم وسالت على فهمى حماتى قالتلى ده بيه هو ده بيصحا بدرى قولتلها اكيد طالع لسته وقعدنا هزرنا كانت ميرڤت جهزت الفطار مع ام هانم وقعدنا فطرنا ورحت ماشى رحت عند العربيه لقيت الكاوتش مقطوع كان حد قطعه بسكينه رحت منادى على عم عطيه ايه اللى عمل كده ف فرده الكاوتش قالى والله يابشمهندس دى كانت سليمه دلوقتى قولتله ماشي غيرها بسرعه مفيش وقت ومستعجل فتح شنطه العربيه لقيته راح مصرخ ووقع على الارض رحت جرى ناحيته ببص ف العربيه لقيت •••

 #يتبع

 بقلم / فتحى الصاوي