تهنئة خاصة من إدراة الجريدة إلي مقدم شرطة : صلاح الرصاص بمناسبة توليه المنصب الجديد بشرطة السياحة والآثار - الهرم المصرى نيوز

 

قضية وعي 

رسالة إلى الكيان 

تعليق إتفاقية كامب ديفيد 

لها معنى واحد ألآ وهو إعلان حرب 

■الشائعات خرجت بعدها ضد الرئيس والجيش!!!

1■أن الرئيس السيسى: يعمل إتفاقية سرية لتهجير الغزاويين لسيناء!!!

2■أن الرئيس السيسى: فى خلاف مع قادة الجيش ورئيس الأركان بسبب الحرب على الكيان!!! 

■أخبار كاذبة من أجل نشر الفوضى والتشكيك فى الرئيس والجيش!!!

■ولم يذكر الإعلام المعادى: أن المخابرات البريطانية بتبتز البريطانيين فى غزة من أجل خروجهم من القطاع!!!

■مصر العظمى أرسلت وفد رفيع المستوى إلى الكيان!!! 

■وكانت الرسالة كلمة واحدة!!! 

■أن الهجوم على رفح سيتم عليه تعليق إتفاقية السلام!!!

■كان رد الكيان نطلب من مصر نتعامل سوياً فى حملة الرد المصرى الصارم(  لا ) ...

■دُوش بارد من الرئيس السيسى  لوزير خارجية أمريكا!!!

■وكانت اللهجة المصرية من القيادة السياسية شديدة لوزير خارجية أمريكا ونَصَهَّا كالتالى!!!

▪︎إن التهجير خط أحمر   

▪︎والان رفح خط أحمر 

■جريدة «وول ستريت جورنال»: قالت إن مصـــــر أبلغت إسرائيل بأنها سوف تعلق إتفاقية السلام إذا ما بدأت غزو رفح الفلسطينية ، الجورنال الأمريكى قال: إن القاهـــرة أرسالت وفد إلى تل أبيب الجمعة 9 فبراير وبلغ الإحتلال بالرسالة!!! 

■وأن الإحتلال حاول أقناع مصــــر بالتعاون فى الحملة مقابل تأمين المخاوف المصــــرية ..

■ولكن الوفد المصــــرى كانت إجابتة صارمة بالرفض .. ■الجريدة الأمريكية كشفت أن الرئيس/عبد الفتاح السيسى

 قال المضمون نفسه لوزير الخارجية الأمريكى «أنتونى بلينكن» لما زار القاهــــرة مؤخراً ..

■واضح إن كان فيه دش بارد للوزير الأمريكى بس حفظاً لماء وجه الضيف مكنش الدش لايف!!!  

■السيد/الرئيس فى أكتوبر الماضى عرفه الفارق بين اليه&ودى والص&هيونى ومين إللى حارب اليهود عبر التاريخ ومين إللى حماهم من بطش الغرب لألف سنة على الأقل ..

■تصاعد اللهجة المصــــرية التهجير خـط أحمــر والنهاردة رفح الفلس&طينية خـط أحمــر .. إللى بيشهد لك هو الصحافة الأمريكية علشان كمان أسبوعين لما يطلع المرحوم «جو بايدن» يقولك ضغطنا على «السيسى» علشان يقبل ببدء غزو رفح الفلسطينية تبقى مستوعب الصح من الغلط!!! 

■تعليق إتفاقية السلام هو مصطلح دبلوماسى يعنى العودة لحالة الحرب أو بالبلدى كده أعلان الحرب ..

■و الواقع إن مصــــر فى حالة حرب من 7 أكتوبر وبنقولها كل يوم  رغم لجان الأغتيال المعنوى والأدبى!!! 

■رئيس وزراء الإحتلال «بنيا&مين نتن&ياهو» أعلنها صريحة أربع كتائب لحماس فى رفح لازم يتم إبادتهم حتى يعلن الإنتصار فى حرب طوفان الأقصى وأن من يحاول منع إسرائيل من دخول رفح كأنه بيطلب منها خسارة الحرب ..

■تل أبيب بتحاول أغراء القاهـــرة بأنه سيتم عمل ممر أمن للغزاويين علشان يغادرو رفح الفلس&طينية إلى وسط وشمال قطاع غزة .. .. 

■مليون ومائتان ألف غزاوى فى رفح ما تضمنش ردة فعلهم!!!

■إن العنف الرهيب أشتغل عليهم بالألة العسكرية كان الغرض منه هو إستدعاء التوحش تشريس الإنسان 

■وضع الأخ أمام أخوه هى فلسفة فرق تسد، البريطانية إللى إشتغلوا بها من أيام الإحتلال البريطانى للهند حتى حرب العراق والكويت ومن قبلها العراق وإيران وأخيراً محاولة تفجير حرب بين إيران وباكستان ده غير صناعة الخلافات العربية العربية الغرض نِصَّفِى بعضنا بأيدينا!!!

■أمريكا والمانيا مثلاً بِيحَذَرُوا من حملة إسرائيل على رفح، مع إن واشنطن تحديداً لو قلقانة بجد قادرة تلغى المسرحية كلها بمكالمة تليفون أو توقف تصدير السلاح المجانى لإسرائيل ..

■وللأسف وسط الخطر الوجودى  للدولة المصــــرية لأن سيناء هى روح مصــــر بتشوف ما يسمى بالمعارضة المصــرية ومدعين المعارضة شغالين ترديد لخطاب المؤامرة، بيدوروا على أى مقال أو تقرير صهيو&نى فى الأعلام الغربى أو حتى المحلى علشان يطعنوا الجيش والرئيس فى ضهره وهو واقف بوجه بيحمى البلد من أخطر لعبة على البلد من أيام مؤتمر لندن 1840 يعنى موضوع ترفعت للرد عنه ..

■قال إن فى شبكة تابعة للدولة المصـــرية بتقبض أرقام كبرى بالدولار علشان تدخل الغزاويين لمصــــر عبر معبر رفح، ■المهم لو كان فعلاً توجد فضيحة، عمر ما كان المجتمع الدولى فوتها على مصــــر، ولكن لا شوفنا كلام بالمعنى هذا فى إدارة المرحوم «جو بايدن»، ولا الإتحاد الأوروبى، إللى إنتفض يوماً ما على علشان الولد الحبسجى العواطلى اللى اسمه «أحمد الطنطاوى» مش عارف ينزل الشارع يبوس العواجيز بعد ما الشعب نفضلة .. 

■فى حين إن بريطانيا مثلاً بيهزها دلوقتى فضيحة إن المخابرات البريطانية بتبتز البريطانيين قبل خروجهم من غزة، وده عن طريق إنه بيقعد مع ضابط مخابرات بريطانى فى غزة ، الأول يسلم المخابرات البريطانية تقرير كامل شامل فيه داته لكل المعلومات إللى يعرفها عن إللى بيحصل فى قطاع غزة ..

 ■يعنى بيحول المواطن العادى إلى عميل على الأرض مثل  خبير الأثار لورنس العرب إللى إشتغل بنفس الأسلوب لحد ما أخد رتبة فى الجيش البريطانى ..

■من ناحية تانية «بلومبرج» كشفت إن مشروع الشرق الجديد بين مصــــر والعراق والأردن بدأ العمل بالفعل وده مش بديل لقناة السويس طبعاً، لأنها ملهاش بديل ولكن علشان إللى خسرناه مؤقتاً فى إيراد القناة نعوضة من المحور الجديد المرحلة الأولى إللى إشتغلت بالفعل فى يناير الماضى!!!

■بتشمل الربط بين مينائى العقبة الأردنى ونويبع المصــــرى على خليج العقبة ومنه برياً عبر سيناء إلى موانئ العريش وشرق بورسعيد ودمياط والأسكندرية، ليتم شحن البضائع منها إلى الموانئ الأوروبية والأمريكية .. 

■المرحلة الثانية بتشمل خطوط سكك حديدية طابا العريش والعين السخنة العلمين الجديدة، وده لنقل بضائع الخليج العربى، أو وصلت الخليج العربى من دول النمور الآسيوية، كل ده مكنش ينفع إلا بالطرق والكبارى وسكك الحديد والطرق السريعة إللى لحد اليوم الناس شغالة سخرية وتريقة عليها، رغم أنى مش محتاج نقول الغرض التجارى والعسكرى والأمنى منها إنما وصل التلاعب بالعقول إن التعمير والبناء والتشغيل والتنمية بقت تهمة بتستوجب الدفاع والتبرير ..

■فالناس للأسف فى وقت الحرب بدل ما تحترم النعمة، شغالين نهش فى نفسهم، أنت بتهين نفسك مش أكتر، يعنى ترند هنفطر أمن وأمان، هل الأمن والأمان بقى كمان مادة للسخرية!!! 

■أنت مش فاكر مثل اليوم من 13 سنة إحنا كلنا كنا بنسهر قدام بيوتنا فى ورديات واللى جايب سكينة مطبخ واللى حاطط حلة فوق دماغة علشان يحمى بيته وأهل بيته وحتته من الحرامية وفضلنا كده من 2011 لـ 2014 تقريباً مش عارف تسيب أمك ولا أختك ولا مراتك ولا بنتك تتحرك لوحدها فى مجتمع طلع أقذر ما عنده بإسم الثورة ..

 ■احنا  شوفنا الأمن والأمان بينهار، وبيضيع، والنهاردة بعد كام سنة، نسخر من نعمة الأمن والأمان .. 

■رأى عام ووعى جمعى أصبح مصادر ومخططف لصالح أكاذيب أخوانية وصه&يونية كفاية أكاذيب ولازم نبطل نردد أسكربتات، وخطاب المؤامرة الص&هيونية مش كارنية ولا جنسية الصه&يونية، مجموعة أكاذيب متى رددتها أصبحت صهي&ونياً حتى لو كنت مصرياً أو عربياً أو مسلماً خصوصاً إللى بتخدم على أجندتهم وأهدافهم زى التشكيك فى الدولة المصــــرية أو التحريض ضد الجيش المصـــرى أو تدمير المجتمع المصــــرى ..

■الأمريكان طلعوا مظاهرات ضد إسرا&ئيل وضد التعاون الأمريكى الإسر&ائيلي وعواصم أوروبا إنتفضت ضد أى دعم أوروبى لإسر&ائيل واللوبى اليه&ودى فى أمريكا بيخوض معركة شرسة قدام الجاليات العربية والمسلمة فى إنتخابات الرئاسة والكونجرس الأمريكى فى نو فمبر، وأخيراً المرحوم «جو بايدن» بيتصنف أسوأ رئيس أمريكى فى إستطلاعات الرأى بسبب إنه صه&يونى العالم أكتشف أكذوبة الص&هاينة وأكذوبة الخطاب الصه&يونى ..

■جربنا الأخوان فى الثورة والسياسة والحكم من كام سنة ومع كده رجعنا نردد أسكربتات اللجان بتعتهم بمنتهى الرخص والأبتزال وهما كل شوية يخدوكم بترندات مشبوهة، إلحقوا السيسى فى خلاف مع المجلس العسكرى أو رئيس الأركان،

إلحقوا السيسى عمل خطة سرية لتنفيذ التهجير ، إلحقوا بايدن الصادق الأمين قال السيسى هو إللى سبب حصار أهل غزة ..

■إلحقوا السيسى وسوء الإدارة سبب رفع الدولار مش تعطيل قناة السويس ولا أزمة عالمية خالص ..

■يا سادة مصــــــر فى حالة حـرب العدو على الأبواب والجيش المصــــرى بقيادة القائد الأعلى للأمة المصــــرية ((المشير عبد الفتاح السيسى)) فى حرب وجودية علشان مستقبل بلدنا ومستقبلى ومستقبلك ومستقبل عيالنا معركة مفيهاش إلا مع أو ضد هتبقى فى ضهر بلدك ولا هتنهش فى بلدك .. هتنهش فى بلدك ورئيسك وجيشك وهما بيأدوا أقدس مهمة فى التاريخ مهمة الدفاع عن أرض الوطن المعركة مش بين مؤيد ومعارض ولكن بين وطنى وعميل بين وطنى ومتآمر، بين وطنى وخائن، بين وطنى وجاهل، مغيب الإختيار ليك والتاريخ برضو هيسجل الإختيار ده ..

■أتمنى نبقى على قدر المسئولية إللى الجيش والبلد والرئيس بيقوموا بها مش من 7 أكتوبر، لاء ده من 2011 علشان ننجو من أكبر مصيدة أتنصبت لأقدم دولة فى التاريخ، ونبطل نمشى وراء لجان الكترونية ساقطة بتعلمكم الدونية والتلذذ بإدعاء الفقر والمذلة علشان أنت كإنسان كرمتك المفروض لا تقبل عليك شعور بالضئالة والإنحطاط، ده قبل ما تبقى مصــــرى عندك موروث حضارى عمره 10.000 عام، مصـــــر عمرها ما ضاعت وإنتهت ولا هتضيع، مصــــر أرض الإله على الأرض ورأس حربة الخيـر فى مواجهة أهل الشـر فى معركتة الأبدية منذ نشأت الحياة وحتى فناء الكــون ومن أرادها بسوء قسمة الله .

دكتورة لبني يونس