هدية يكرم موسى اسد تموين شبراخيت والبحيرة وفخر مركز كوم حماده - الهرم المصرى نيوز

 

 

بقلم  ايمان طارق محمد حسين 

أخصائي التخاطب والتربية الخاصةوالصحه النفسيه 

يعني إيه تعديل سلوك؟ وإمتى أقول إن ابني محتاج جلسات؟

تعديل السلوك هو استخدام أساليب علمية لتغيير سلوك الطفل السلبي وتعزيزه بالإيجابي، عشان نساعده يتعلم التصرفات الصح، ويتجنب الغلط… مش بالعقاب، لكن بالفهم والتوجيه.

المشكلة:

بعض الأطفال بيظهروا سلوكيات بتسبب قلق للأهل زي:

العناد الزائد

العصبية أو العدوانية

العزلة والانطواء

الكذب أو العنف

فرط الحركة أو التشتت

ولما السلوك يستمر لفترة، ويأثر على حياته في البيت أو المدرسة… هنا لازم تدخل متخصص.

الأسباب:

تقليد سلوكيات من البيئة أو الأقران

نقص في مهارات التواصل أو التعبير عن المشاعر

مشكلات نفسية أو اضطرابات زي ADHD

طريقة التربية (شدة زائدة – تدليل مفرط – تناقض في التوجيهات)

الحل:

✔️ الملاحظة أول خطوة: راقبي سلوك ابنك، ودوّني الأوقات أو المواقف اللي بيتكرر فيها السلوك.

✔️ تقبلي مشاعره… ووجهي سلوكه: الطفل مش دايمًا فاهم هو بيعمل كده ليه.

✔️ استشارة متخصص لو السلوك مستمر، وبيأثر على حياته أو علاقتكم.

✔️ جلسات تعديل السلوك بتساعد الطفل يتعلم المهارات الإيجابية، ويتخلص من التصرفات اللي بتأذيه أو بتقلقكم.

كيفية تعديل سلوك الطفل يجب العلم بأنّ تعديل السلوك عند الأطفال ليس بالأمر السهل وإنّما يحتاج إلى الصبر والهدوء وإمساك الأعصاب للوصول إلى النتائج الإيجابية لاحقاً، ويمكن الأخذ بالنصائح الأتية بما يتناسب مع طفلك: حدد السلوك الخاطىء الذي يحتاج إلى التعديل بما يتناسب مع عمر طفلك، حيث إنّه لكل مرحلةٍ عمريةٍ سلوكياتٍ تعتبر غير مقبولةٍ من قِبل الجميع سواء في المنزل أو الحضانة أو المدرسة، فتحديدك للسلوك الخاطىء يجعلك تستطيع التركيز على أسبابه وكيفية تغييره. وإذا كان طفلك يقوم بأكثر من سلوكٍ خاطىءٍ فرتب السلوكيات حسب أولوية التغيير. تحدّث مع طفلك حول السلوك الخاطىء، وحول ما هو متوقع منه وتأكد من فهمه لما تحدّثت فيه. أشعره بالذنب عندما يتصرّف بشكلٍ خاطىءٍ ووضح له الخطأ الذي ارتكبه، ولا تحاول استخدام أسلوب السخرية أو الزجر بقسوة أو نعته بالألفاظ السيئة؛ لأنّ ذلك سيؤدي إلى إصابته بضعف الشخصية وقلة الثقة بالنفس، فالهدف هو نبذ السلوك وليس الطفل نفسه.. واحتفاظ الطفل بمعنوياته وشخصيته. حاسِب طفلك مباشرةً عندما يخطىء ولا تحاول تأجيل ذلك فيما بعد.. واشرح له سبب العقاب وهو القيام بالسلوك الخاطىء عدة مراتٍ، واستخدم أسلوب العقاب بالمدح مثل: انت طفل جيد وذكي ولكن لا تفعل كذا وكذا. تدرّج بالعقاب ابتداءً بالأسلوب المعزز وأسلوب المدح ثم التوبيخ أو الهجر.. ثم الحرمان من بعض الأمور التي يحبها كمشاهدة برنامج تلفزيوني محدد أو الخروج في نزهةٍ وهكذا حتى تختفي السلوكيات الخاطئة بالتدريج. اثبت على موقفك للنهاية حتى يتحسّن سلوك طفلك فلا تشعر بالضجر أو الإحباط منذ البداية لأن تعديل السلوك لن يأتي بنتائجه بسرعةٍ وإنّما يحتاج إلى الصبر. عوّده على تصحيح أخطائه بنفسه لتعزيز سلوكياته الإيجابية، وزيادة شعوره بخطأ السلوك الذي يقوم به. عزز السلوك الإيجابي لدى طفلك عندما يقوم به ويكون ذلك بالمدح، أو المكافآت بأنواعها سواءً المادية او المعنوية أو الشكر

 —

الغضب عند الاطفال وازاي نحتوي العصبية من غير ما نخسرهم 

معظمنا مرينا بالموقف دا دا لو مش كلنا. طفل صغير بيزعق ، بيعيط، وممكن يضرب أو يرمي الحاجات في الأرض. واول رد فعل طبيعي مننا كاهل أو مدرسين لطفل ده بنقول اي 

"كفاية بقي ،اسكت ،هتفضل تعيط لحد أمتي " 

بس في الحقيقة ورا كل نوبة غضب بيكون في رسالة والرسالة دي محتاجة مننا نفهمها.

تعالو بقا نعرف ليه الاطفال بيتعصبوا بالشكل ده ؟؟ 

مش كل طفل بيتعصب بيكون معناه أنه مش مؤدب او مش متربي ولكن بيكون في أسباب كتير وراء عصبيته زاي اي مثلا:ـ

1- أنه مش بيعرف يعبر 

يعني لسانه مش مساعده فبدل ما يجي يقول أنا مضايق بيستخدم "الصراخ"

2- بيكون في إحباط متراكم زاي اي مثلا 

اني لعبته اتكسرت أو اني محدش سمعه أو اتقال ليه "لا"مليون مره علي حاجات مختلفه فطبيعي هنا يتعصب ويصرخ 

3- التقليد بمعني اني لو شايف ماما وبابا دايما متعصبين أو المدرس بيتعامل معاهم بعصبية 

هنلاقي الطفل هيتعلم نفس الأسلوب والعصبية 

4-الاحتياجات الجسدية 

يعني لو مش عارف يعبر عن أنه جعان، تعبان ،او عاوز ينام. طبيعي هلاقي بينفجر وبيتعصب.

5- ممكن يكون عنده اضطراب سلوكي زاي فرط الحركة أو قلق أو خوف داخلي. 

طيب تعالو نعرف هنتعامل ازاي بقا مع غصب وعصبية الاطفال ؟؟ 

1- لازم نكون في أول القاعده نكون احنا هادين لاني الطفل في الوقت ده محتاج حضن مش محتاج الزعيق ولو انت اتعصبت هو هيتعصب اكتر.

2- لازم نتكلم معاهم بالطريقة بسيطة يعني انا شايفك مضايق ، وده عادي بس تعالي نتكلم من غير ما نصرخ 

3- لازم نوفر ليه مكان هادي 

يكون في الالعاب أو الالوان علشان يقعد فيه وقت ما يحس أنه عاوز يهدي 

4- لازم نعلمه ازاي يقول مشاعره واللي حاسس بيه 

لازم نعوده يقول أنا زعلان أو مضايق أو انا محتاج وقت بدل ما يفضل يعبر عن مشاعره بالعياط أو الضرب 

5- اتفقو مع الطفل علي وضع خطه علشان لو حصل واتعصب أو وقت الغضب 

يعني مثلا لو زعلت تعالي قولي انت زعلت ليه أو من أي 

أو تعالي نعد مع بعض من 1 ل 10 براحه أو أننا ناخد نفس عميق مع بعض 

6- لازم نشكر ونشجع كل محاولات السيطرة حتي لو حاول ومقدرش يتحكم كويس 

قوله انا شايفك بتحاول وده لوحده إنجاز هنقول ليه برافو عليك 

7-هنراقب هو أمتي بيغضب ويتعصب اكتر 

بيكون الصبح ولا وقت المذاكره ولا لم يكون جعان ونحاول نمنع المواقف دي قبل ما تحصل 

نصيحتي ليكم 

خليكم مصدر امان لطفل دايما مش مصدر خوف لاني الطفل محتاج يحس اني في حد جنبه ومعاه مش ضده لاني الغضب والعصبية مش عيب بس لازم نعلمه يعبر عنه من غير ما يضر نفسه أو يضر غيره.