بقلم : حنين محمود
~•~•~•~•~•~•~•~•~•~•~•~•~•~
في منتصف صحراء كبيره
وقف باص كبير بيجمع الكتير من الشباب و البنات عند 3 بنات واقفين بعيد عن الناس
قالت راسيل بعصبيه: انا مش عارفه بابا جابني معسكر ليه؟ جابني اتربي ، هو حد قاله اني مش متربيه لا سمح الله؟
ردت عليها صاحبتها لارين ب ضحكه مكتومه: هدي نفسك ي راسيل مش كده احسن يجيلك شوجر و انتي لسه صغيره
كملت صاحبتها حلا ب ضحكه: اهدي ي سوسو احسن يطقلك عرق ولا حاجه
قالت دارين توأم لارين: خلاص بقا ي بنات البت هتولع و هي واقفه
بصتلهم راسيل ب قرف و مشيت
طلعوا البنات يجروا وراها
قالت لارين بضحك: اهدي ي سوسو احنا بنهزر معاكي متقفشيش كده
كملت دارين و هيا بتنهج من الجري: ي بت اقعدي بقا جريتينا وراكي كملت بهزار ، و تلاقيكي فرجتي المعسكر علينا
قالت حلا ب توتر: امنيتك اتحققت ي دارين ي حبيبتي
بصت البنات وراها لقت المعسكر كله شباب و بنات و كمان عساكر و ظباط بيتفرج عليهم
قالت حلا ب احراج: معلش ي جماعه كملوا اللي بتعملوه احنا اسفين
كملت حلا للبنات: حرام عليكم فرجتوا الناس علينا و منظرنا بقا وحشش
قالت لارين: هاتوا الشنط و تعالوا نرتب هدومنا ع بيقولوا في تجمع بعد ساعتين ع قوانين المعسكر
بصتلهم راسيل ب قرف و قالت: هاتوا الشنط و ادخلوا عشان حرفياً منظرنا بقا وحش بشكل رهيب
دخلت البنات و رتبوا شنطهم
********************************
ف مكتب اللواء مصطفي المحمدي
قال جُواد: لا ي فندم مقدرش ادرب بنت مدلعه و قليله ادب و لا كمان م هي بس لا هي و اصحابها ليه يعني ما تخلي اي ظابط و خلاص اشمعنا انا يعني؟
قال اللواء مصطفى: حضره المقدم جُواد شغلنا مفهوش اشمعني انا قلت امر يعني هيتنفذ برضاك او غصب عنك و البنات عليهم توصيه جامده
قال جُواد: تمام ي فندم بس اكيد فريقي معايا
قال اللواء مصطفي: اه المقدم سهم و المقدم اريام و المقدم راكان معاك
قال جُواد و هو بيأدي التحيه العسكريه: تمام ي فندم عن اذنك
طلع جُواد و هو بيبرطم: يعني كان لازم ادربهم انا هنبدأنا تلزيق بنات و قرف و اخر جمال بصراحه
********************************
ف غرفه من غرفه سكن الشباب
دخل جُواد الاوضه بتاعته هو و فريقه كان المنظر كالاتي:
الهدوم مترميه ف كل مكان و مفيش حاجه مكانها
سهم نايم نصه فوق السرير و نصه التاني ف الارض و بيغني و يتكلم كل ده و هو نايم
اما راكان كان ماسك طبله و بيغني " ليه ي دنيا حطيتي علي جرحي كلونيا"
اما عن اريام ف كان لابس شورت و تيشرت و رابط قناشه ع وسطه بيرقص فوق السرير بعشوائيه و هو بيردد ورا راكان الاغنيه
قال سهم و هو نايم: لا لا و لا لا شوفوني شوفوني انا البرتقاله
رد راكان: فين البرتقاله دي انا شايف شوال بطاطس نايم
قال اريام و هو بيتنطط من سرير ل سرير: كملي ي ابلتشي الفقره بتاعتنا
قال جُواد بصدمه: ايه ده؟ ده منظر مقدميش ف المخابرات انا لو واخد عيال اختي م هيعملوا كده
قال اريام و هو بيقلد صوت بنت بتدلع: ايه ي حبيبي قافش كده ليه تلاقيها مراتك النكديه منكده عليك تعالَ كده و انا هفرفشك
قال جُواد بصوت عالي و بنفاذ صبر: انتباه ي حضرات
فاق سهم و وقع من علي السرير و الطبله وقعت من راكان و و اريام فك القماشه اللي ع وسطه و غطي وشه بيها
قال جُواد و هو بيكتم ضحكته: رتب انت و هو اللي عملتوه ده عقبال ما ادخل اخد شاور
دخل جُواد و اخد شاور و طلع لقي كل حاجه مترتبه و محطوطه مكانها
قال جُواد: اللواء مصطفى خلاني انا و انتوا ندرب المتدربين الجداد لا و كمان ايه في 4 بنات متوصي عليهم جامد اوي
قال راكان بجديه: مقلكش ليه و اشمعني احنا بالذات و ليه البنات دول متوصي عليهم؟
كمل اريام: ايوه فعلاً كلام راكان صح
قال جُواد: م عارف بصراحه بس اكيد ورا الكلام ده حاجه و لما عملت بحوثات عن البنات دي اكتشفت انهم مدلعين اوي
قال سهم بتفكير: م ممكن اهلهم عاوزين يربوهم ف المعسكر ده؟
قال جُواد: ممكن بردو و اصلا في اجتماع كمان ساعتين نتعرف ع بعض ع نبدأ تدريب ع طول
قال راكان: متفكروش كتير ي شباب كده كده هنعرف ي خبر الوقتي بفلوس بعد ساعتين يبقي ببلاش
********************************
بعد ساعتين في ساحه التدريب
واقفين البنات صف مستقيم و الشباب نفس الكلام
كانت راسيل بتقول بزعل: بشرتي هتبوظ من الشمس دي
قالت لارين: انا خايفه من المقدمين دول بيبوصولنا اوي
ردت دارين: حساهم هياكلونا
قالت حلا: و مين سمعك يختي
كملت حلا و هي بتبلع ريقها يخوف: وراكم ي بنات
البنات مكانوش شايفين مين وراهم لانهم بيبصوا لاخر واحده ف الصف ألا و هي حلا
قالت لارين و دارين ف صوت واحد: ورانا صح؟
هزت حلا راسها بخوف
قالت راسيل: اشهد ان لا اله الا الله و اشهد ان محمد رسول الله
لفت البنات بخوف و هما بيبتسموا ابتسامه هبله
قالت حلا: برئ ي باشا
بصلها اريام بأستغراب
قالت حلا: انا هقولك ي باشا من قبل ما تعمل حاجه
قالت حلا كل حاجه حصلت من اول ما بدأوا يتكلمو
قالت راسيل: اعترفتي من اول قلم
ردت لارين بحسره: ده من قبل القلم اصلا
كملت دارين: لا و كمان بتبين نفسها بريئه
قال جُواد بصرامه: انتباه احنا م جايين نلعب هنا
كمل راكان: مبدأيا كده 100 لفه ف التراك ع نسخن
قالت دارين بردح: نعم نعم ده انا من اول لفتين اقسم بالله بدوخ اصلا
قال سهم: انتباه يلا هنبدأ
انهالت عليهم التمارين الشاقه طول اليوم
بعد تدريب دام 5 ساعات متواصله
قعدت البنات ف الارض
قالت دارين: اه ي عضمك اه ي عضلاتك اه ي معاميك ي دارين ي حبيبتي
كملت لارين: اه ياني ي اما تعالي شوفيني بتمرمط ازاي
قالت حلا: ده تخليص ذنوب ي بشر
قالت راسيل: اه ي مرارك الطافح اه ي دعاوي امك عليكي ي راسيل ي بنت ام راتيل
المعسكر كله ضحك عليهم
********************************
ف سكن البنات ف اوضه راسيل و اصحابها
قاعده حلا ع الارض: ي مرارك ي حلوله ي قموره حصل فيكي العجب
قالت راسيل: قومي ي بت نامي هتولولي كده للصبح
اما عن دارين و لارين ف كانو بيسرحوا شعرهم
و راسيل فارده نفسها ع السرير
و حلا قاعده ف الارض ب تندب حظها
********************************
في بدايه يوم جديد
لبست البنات و دخلوا ساحه التدريب و بدأ التدريب
بعد ساعات خلص التدريب
محصلش اي احداث ف الوقت ده غير صياح البنات بعد كل تدريب
********************************
بعد شهر
قال جُواد: هتاخدوا اجازه عشان تزوروا اهلكم و تقعدوا معاهم عشان ممكن نحتاجكم و انتو اتدربتوا كويس بالتوفيق ي جماعه
قالت راسيل ل البنات: اخيراً حد حن علينا ده احنا اتمرمطنا اقسم بالله
قالت لارين: بس بجد تجربه حلوه متمنهاش ل الد اعدائي بصراحه
قالت دارين: ي سوسو
ردت راسيل بتكبر مصتنع: انجزي م فضيالك ورايا طيارات هتفوتني
قالت دارين بتساؤل: هو انتي هترجعي لشغلك التاني؟
قالت راسيل: م عارفه ممكن اه و ممكن لا
حضروا الشنط و ركبوا الباص
********************************
في الباص
كانت حلا شغاله تاكل من الصبح
و دارين نايمه ع كتف لارين
و لارين مامتها بتكلمها كل خمس دقايق
راسيل فاتحه الفون و بتلعب عليه
********************************
عند فريق جُواد في نفس الباص
كانوا بيبصوا للبنات بأستغراب
قال اريام: حلا قاعده تاكل ولا كأننا ف بيت ابونا
رد سهم: فعلاً و كمان لارين دي صبوره بشكل ده كل شويه حد يرن عليها
قال راكان: لا و ايه دارين نايمه ف مايه البطيخ
قال جُواد: دي راسيل بتلعب لعب و تقولوا اكل عيشها
********************************
وقف الباص
قالت لارين: دارين اصحي وصلنا
قالت راسيل: انا هصحيها
جابت مايه من شنطتها و كبتها علي وش دارين
دارين ب خوف: بغرق بغرق الحقوني
قالت حلا ب ضحك: قومي ي هبله وصلنا
قالت دارين: ادعي عليكم ب ايه و انتو فيكوا كل العبر
قالت لارين: انا قولتلك متنامش انتي بتنامي م بتصحي
قالت دارين: لا داعي للتصفيق ي جماعه و الله
قالت راسيل: امشوا قدامي كسفتونا الله يكسفكوا
********************************
عند بيت راسيل
دخلت راسيل و هي بتقول بصوت عالي
راسيل: ي اهل الدار سوسو جات
قالت سُهي مامتها: اهلاً اهلا ب الشيك شاك شوك
قالت راتيل: ده استقبالك بدل ما تقوليلي ازيك ي بنتي ي حبيبتي و تجيبيلي اكل يرم عضمي
رد باباها احمد: تستقبل مين ي حجه صلي ع النبي
قالت راتيل: انا رايحه اغير هدومي و انزل انكد عليكم
********************************
عند بيت لارين و دارين
دخلوا و هما بيغنوا و باباهم و مامتهم بيتفرجوا ع التيليفزيون
قالت مامتهم سميره: اهلا ي الصداع
قالت لارين بتمثيل العياط: بابا و ماما مع بعض لا مقدرش
كملت دارين ب نفس العياط: ازاي تخونوني كده هانت عليكوا العشره
فاجأه لقوا ابو ورده ف وشهم
قالت سميره: هش ازعاج من اول ما وصلتوا ارحموني بقا
رد محمود باباهم: بناتي براحتهم
قالت لارين: ايوه ي مدلعنا
ردت دارين و هي بتحدفله بوسه ف الهوا: حبيبي يا ابا الحج
رد محمود: اطلعوا غيروا ي بنات بعدها انزلوا
قالت البنات ف صوت واحد: اشطا ثواني و نكون عندك
********************************
بيت حلا
كانت بتخبط ع الباب و هي بتقول: انا جيت نورت البيت افتحولي
فتح اخوها فهد: انتي جيتي تاني ليه ارتحنا منك امشي يلا
قفل الباب ف وشها
قالت حلا: اهون عليك ي فهود ي حبيبي تسيبني جعانه ع باب البيت
قال فهد: اه عادي
قالت حلا: دي م رجوله ي ابو الصحاب
فتحلها فهد و حضنها
فهد ب حب اخوي: وحشتيني ي مجنونه
قالت حلا و هي بتبادلوا الحضن: و انت اكتر يسطا
قال فهد: خشي ي سرسجيه هانم
قالت حلا: تشكرات تشكرات
دخلوا و قعدت حلا تاكل قبل ما تغير هدومها
قالت امها مَى: ي بت اعقلي و روهي غيري هدومك
قالت حلا و هي بتمضغ الاكل: أبداً لازم اكل الاول
دخلت الام ع المطبخ و هي بتبرطم ب قله حيله
طلع جوز امها من اوضته
بصتله حلا ب قرف و دخلت اوضتها
********************************
عدي اليوم و جه يوم جديد
اتصل اللواء مصطفي ع جُواد
جُواد: نعم ي فندم
اللواء مصطفي: حضره المقدم جُواد في مهمه ليكم بس في حاجه
قال جُواد: اتفضل ي فندم سامعاك
قال اللواء مصطفي: فاكر البنات اللي كنتوا بتدربوهم في المعسكر
قال جُواد: اه بس دول مالهم و مال المهمه
قال اللواء مصطفي: دول معاكم ف المهمه و مفيش اعتراض
قال جُواد بغضب واضح: حاضر ي فندم
قال اللواء مصطفي: تمام بعد يومين تجيلي انت و فريقك و الغي المعسكر ع كده
قال جُواد: حاضر
قفل اللواء
قال جُواد ف نفسه: انا كنت ناقصهم ف المعسكر عشان يجولي ف مهمه ده ايه ده
اتصل جُواد ع فريقه و كانت رده فعلهم متختلفش عنه كتير
اتصل اللواء ع بابا لارين و دارين و كمان راسيل و اتصل ع اهو حلا و بلغهم بالخبر
و طبعاً ردود فعل البنات متختلفش عن الشباب
********************************
بعد يومين جه اليوم المنتظر
في غرفه الاجتماعات قاعدين الكل و الشر بيطاير من عنيهم
قال اللواء: في مهم جديده ليكم و هتبقي قبض ع راجل مافيا كبير و بيتاجل ف كل حاجه تتخيلوها اعضاء بقا مخدرات بنات و اثار و مهمتكم تقبضوا عليه هو و كل شركائه
قال جُواد: طيب ليه البنات دي معانا؟
قالت راسيل: مالهم البنات ي حبيبي هياكلوك ولا هياكلوك؟
قال سهم: اهدوا ي شباب
قال اللواء: الكلمه اتقالت و هتتنفذ
المهمه هتتنفذ اقصاها اسبوع
ادي الكل التحيه العسكريه و دخلوا غرفه الاجتماعات الخاصه بالمهمات
قالت راسيل و هي مركزه ف اللاب اوي:
اسمه عبد العزيز مولود ف حواري القاهره عنده 54 سنه مراته اسمها اروي ست هاي كلاس بتحب الشوبينج و الخروجات مع اصحابها بتكرهه جوزها بس بتستخدمه ك بنك ليها ع تصرف براحتها
كملت لارين و هي بتبص ف لابها بتركيز: بيتاجر ف الاثار و البنات و كل حاجه و اللواء قال كده سكتت شويه بعدها كملت العمليه هيتفقوا عليها بكره و احنا محتاجين نعرف المكان و الزمان
قال راكان: و انتو ايه عرفكم الكلام ده؟ و ايه اكدلكم انه حقيقي اصلا؟
قالت دارين: احنا ف هندسه برمجه و نقدر نخترق و نعمل حاجات اكتر من كده تاني حاجه حابب تصدق صدق م حابب عنك ما صدقت
قالت لارين: بكره نتقابل ع الخطه سلام احنا بقا
انسحبت البنات و بال الشباب م بيبطلوا تفكير فيهم
********************************
عدي اليوم و جه يوم جديد
ف غرفه الاجتماعات قاعد الكل
قال جُواد ل فريقه: حد عنده خطه؟
ردوا بصوت واحد: لا
قالت راسيل: الله اكبر
قال جُواد: ست الفيلسوفه عندها خطه؟
قالت راسيل: طبعا انا م زيكم
كملت راسيل: بصو بقا هو بيسهر في ملهي مشهور احنا هنروح هناك انتو جارسونات و احنا بنات عادي
قالت دارين: طبعا معانا اجهزه تسنط هنحطها ف كل حته و لا شك اننا هتحطلهم حبوب هلوسه ع يعترفوا و نسجلهم
طلعت لارين سماعات بلوتوث و اجهزه تسنط صغيره و كاميرات دقيقه اوي
قالت لارين: كل واحد ياخد من كل حاجه واحده
كملت حلا: دي حبوب الهلوسه و دي مداخل و مخارج الملهي
هز الكل راسه ب للايجاب
قال جُواد: هنروح امتي
قالت راسيل: لو مستعدين نروح الوقتي مفيش مشكله
قال اريام: ع خيره الله يلا بينا
********************************
في مكان قريب من الملهي
كانت البنات لابسين فساتين و حاطين ميكب كتير ع وشهم و الشباب مغيرين شكلهم
قال سهم: ايه ي حجه منك ليها ايه اللي عاملينوا ده
قالت لارين: لا بقولكم ايه هما كمان شويه و يدخلوا بلاش خناق
قالت حلا: اهم وصلوا
كانت في عربيات كتيره بتركن و بينزل راجب كبير و وراه الكتير من الحراس
و كان الراجل ده اسمه عبد العزيز
دخل الملهي و دخل وراه الفريق
قالت راسيل: يلا كل واحد ع مكانه و م محتاجه اقولكم انكم تتحكموا في اعصابكم
قعدت راسيل هي و البنات ع طاوله مقابله ل طاوله عبد العزيز
قام عبد العزيز و قعد جنب البنات
قال عبد العزيز: اول مره تيجوا هنا
قالت راسيل: ايوه هقوم اجيب حاجه و اجي
و هي ماشيه اتكعبلت ع عبد العزيز و هو مسكها بسرعه
قالت راسيل: شكرا اوي
قال عبد العزيز: العفو ي قمر
بعد شويه رجعت راسيل و معاها عصير
قالت بدلع مصتنع: اتفضل ي قلبي حاجه خفيفه لزوم السهره
قال عبد العزيز: ليه تعبتي نفسك ي قمر
ردت حلا: تعبك راحه ي زيزو
فاجأه حلا حركت ايديها ف وقعت الكاسات ف هدوم راسيل
قالت حلا: اوه اسفه
قالت راسيل: عادي ولا يهمك
قالت دارين : انت بتشتغل ايه ي زيزو
قال عبد العزيز: انا سيد اعمال
قالت لارين: و انت جيت هنا ليه ي زيزو انا بسمع ان الناس اللي زيك دي بتبقي مشغوله اوي
قال عبد العزيز: عادي م كلهم مشغولين للدرجه
قالت راسيل: طب نستأذن احنا هنغير و نيجي
مشيت البنات
و قعد زعيم المافيا مارك او زي ما بيلقبوه المابا السوداء مع عبد العزيز ع يتفقوا ع الصفقه
قال مارك: احنا هنتم الصفقه بعد بكره و تكون خلصت ي عبد العزيز
قال عبد العزيز: تمام الساعه كام؟
رد مارك: ع 2 بليل نبدا
قال عبد العزيز: تمام
مشي مارك و معاه حراسه
********************************
عند بار المشروبات اللي ف الملهي
قال جُواد: ايه الجحود ده هيبيعي اثار بلدهم و بنات بلدهم
قال سهم: دول معندهمش ضمير
قالت حلا: اللي زي دول اكيد ميعرفوش الضمير
قالت راسيل: جهزت ي جُواد
قال جُواد: ايوه
راسيل: طب هات
مد ايده بصانيه مشروبات
قالت راسيل: اوكي باي بقا
راحت البنات و قعدوا ع طاوله
قالت حلا: اتأخرنا عليك ي زيزو؟
عبد العزيز: لا ي قمر
قالت راسيل و هي بتمد ايديها ب كاسه مشروب: خد ي زيزو روق ع قلبك بدل اللي وقع
قال عبد العزيز: ماشي و شرب الكاس كلها
قامت البنات و سندوه ع اوضه فوق
قال جُواد بغضب و هو ف السماعه: علي فين للعزم ي راسيل هانم
راسيل:رايحه اجيب معلومات هكون بتمرجح مثلا
قال جُواد: هستني ايه من واحده كانت رقاصه
قالت راسيل بحزن: تمام شكرا
وقفلت السماعه
قال راكان: ليه كده يعني
رد سهم: انت غبي بجد ليه عملت كده م عشان معلومه عرفتها هتذل البنت بيها
قال اريام: بجد هي غلطانه انها مهزقتكش
عند راسيل و البنات
قالت راسيل بجديه: يلا ي بنات
قالت حلا: متركزيش معاه
بصتلها و مردتش
دخلوا الاوضه
قالت دارين: العمليه بكره هتبقي فين
عبد العزيز: ف المخزن بتاع شركتي
قالت راسيل: حطوه علي السرير و سيبوه
نزلت البنات و و سابوا عبد العزيز
و خرجوا من الباب الخلفي
قال اريام انا هقولكم ع حاجه بسرعه كده
الكل بصله
كمل و قال: انا بحب حلا من اول يوم شفتها فيه و هزقتني كانت رايحه الكليه و انا كنت هخبطها من ساعتها و انا براقبها و حابب اقولها انتي بحبها و عاوزه اتجوزها
قالت راسيل: ايه رأيك ي عروسه
قالت حلا بكسوف: رأيي عند فهد و ماما
زغرط سهم و راكان
اما حلا دخلت عربيه البنات و هي هتموت من الكسوف
باركلهم الكل و روحوا بيتهم
********************************
في بيت جُواد
قاعد ع سريره و بيكلم نفسه و في صراع بين قلبه و عقله
قلبه: انت بتحبها اكيد
عقله: لا فوق ي جُواد هتحب رقاصه؟
قلبه: بس هي تابت
عقله: بردو لا مينفعش تحب رقاصه
فضل ف الصراع ده لحد ما نام
********************************
في بيت اريام
دخل و كلم فهد و قاله كل حاجه
و فهد اداله معاد يوم الخميس الجاي بعد المهمه
********************************
في بيت راسيل
دخلت ع اهلها و رمت السلام و طلعت اوضتها
الاهل استغربوا بس مدققوش
راسيل كانت بتفكر ليه جُواد جرحها كده و بدأت تفتكر ان بابا جبرها ع المعسكر و لولا المعسكر ده مكانتش حبت جُواد
عقلها: هتحبي حد جرحك
قلبها: اه
عقلها: هو بقا م هيحب رقاصه
قربت راسيل من المكتب بتعب و فتحت الدرج و خدت حبايتين منوم
ثاني يوم اتجمعوا كلهم في المكان اللي هيتسلم فيه الشحنه
قالت راسيل: فاضل بالظبط ربع ساعه وهيكونوا كلهم موجودين
قال اريام: احنا المفروض نفتح عينينا كويس جدا عشان اول ما يجوا نقبض عليهم متلبسين
قالت حلا: انا جعانه يا جماعه انا مش بعرف اشتغل وانا جعانه
لطم اريام وقال: كده روحنا في داهيه وش
قال راكان: بت انتي احنا مش لسه مأكلينك قبل ما نيجي
قالت حلا بزعل مصطنع: الله ما انا قاعده وبعدين يعني دول كم 10 سندوتشات بسلك بيهم زوري بس انا جعانه يا جماعه
قالت دارين: اقسم بالله انا ما شفت حد بيجوع في حياتي قدك
قالت لارين: انتي الله يكون في عون اللي هيتجوزك انت ممكن تخلصي الاكل وتخشي تاكليه
وبعدين سمعوا صوت في المكان كان عبد العزيز و مارك وصلت الشحنه هتبدا تتسلم
استنا جُواد للوقت المناسب وبداوا يهجموا بس بسبب ان كان عددهم كثير جدا قدر مارك ان هو يجري
بس ازاي راسيل شافته وجريت وراه ونطت قعدت على ظهره وهو يا عيني كان نايم على الارض
صرخ مارك بألم: وقال اه يا ظهري
راسيل قالت: وحيات امك انت فاكر نفسك هتعدي من هنا ولا حاجه ده انا راسيل والاجر على الله
كل وقع على نفسه من الضحك من منظر راسيل وهي قاعده على ظهر مارك
أمر جواد العساكر بان هم يقبضوا على مارك يدخلوه البوكس بالفعل قامت راسيل من على ظهره وقبضوا عليه ودخلوه البوكس واتحركوا كلهم من المكان
متجهي للمخابرات
********************************
عند اللواء
شكرهم اللواء على كفاءتهم وكل واحد روح على بيته
من اليوم ده وقررت راسيل ان هي مش هتروح المعسكر تاني
ورفضت رفض تام انها ترجع ل جُواد اللي كان على طول بيفكر فيها ومش عارف ينساها ومش عارف يلاقي طريقه يشوفها بيها
راسيل عمرها ما نسيته ولا غاب عن بالها لحظه ودايما كان في بالها بس بتحاول تتاقلم على الوضع وتنساه بعد جرحه ليها
********************************
في التكريم
جه يوم التكريم بتاعهم واتجمعوا كلهم للمعسكر عشان التكريم وصلوا و كل واحد قعد في مكانه وكان في ناس من مناصب عاليه جدا
وكان اللواء مصطفي واقف قدام المايك وقال: انا احب اشكر الفريق اللي ساعدنا على القبض على المجرمين دول ومن غيرهم ما كناش هنعرف نقبض عليهم الفريق اللي اثبتوا نفسهم من اول مهمه احب اشكر جدا لارين ودارين وراسيل وحلا وطبعا الفريق الغني عن التعريف فريق الوحش
وبدا ينادي على الاسامي وطلعوا يتكرموا اتكرموا وكل واحد اخد درع و وسام التكريم وكان عليه اسم اساميهم
استاذن اريام من اللواء واخذ المايك وبدا يتكلم وقال: اول حاجه احب اشكر جدا جدا اللواء على تعاونه معانا ومن غير توجيهاته مكانتش المهمه تكمل واحب اشكر الفريق اللي معايا جدا جدا جدا
كمل اريام بحب: انا دلوقتي حابب اتقدم لاكتر انسانه حبيتها في حياتي وحابب ان الكل يعرف انا قد ايه بحبها وجه كلامه ونظراته ل حلا تقبلي يا مجنونه قلبي اني اتجوزك
ونزل على ركبه وطلع خاتم الماظ وقدموا ليها
حلا كانت من رهبه الموقف مش عارفه تدي اي رد فعل خبطتها راسيل في كتفها وقالت فوقي يا فوقي يا بنت الهبله هتضيعي اللحظه عليكي
فاقت حلا من شرودها اللي كانت فيه وظهرت الموافقه ف عيونها
ولبسها اريام الخاتم
وقام واقف تاني وماسك ايديها ومسك المايك وبدا يتكلم ثاني وقال: احب اعرفكم على اكثر انسانه انا حبيتها في حياتي حلا بنت بجد جميله جدا شدتني ليها من اول لحظه انا شفتها فيها سلبت مني انفاسي وسرقت قلبي وبقيت معشوقتي وبعدين بص ليها وقال بحبك يا مفجوعه قلبي
وقالها بصوت عالي جدا الكل كان بيسقف وبيصفر وبعد جملته و انفجر الكل في الضحك
وهي كمان هم كمان ضحكوا جدا وبعدين ماسك
راكان المايك وبدا يتكلم وقال: اليوم ده مميز جدا بالنسبه لي عشان انا اتكرمت فيه وده اول تكريم فيه
كمل و قال: ف انا عشان اخلي اليوم مميز اكثر حابب اتقدم لاكثر بنت سلبت مني كلمات الغزل اول ما شفتها من اول ما شفتها البنت خطفت قلبي وخطفت بالي وكل تفكيري عقلي كان دايما معاها البنت اللي حبيتها من كل قلبي ومحبتش قبلها وهي دارين
و بص ليها وقال: تقبلي تتجوزيني اتصدمت
دارين بكسوف و وافقته
والكل بدا يبارك وتسقيف كان عالي جدا
مسك سهم المايك وقال: صراحه انا ما عنديش الخلق للمحن اللي هم عملوا ده كله ف انا هدخل في الموضوع على طول تتجوزيني يا لارين
الكل انفجر من الضحك على كلامه
وبعدين بدات تهنئات ليهم
مسك جواد المايك وبدا يتكلم وقال: اول حاجه انا حابب اتاسف لاكتر انسانه انا جرحتها من غير ما اقصد هي انسانه جميله و بريئه ما شفتش في براءتها ولا جمالها في حياتي
كمل و قال: الوحيده اللي خطفت قلبي معاها من اول ما شفتها مش بعرف اقعد من غير ما افكر فيها و عمري ما هعرف ابعد عنها الانسانه اللي غيرتني للاحسن وخلتني انسان تاني خالص الوقتي الانسانه اللي بجد اتمنى ان هي تسامحني و اكمل باقي عمري معاها تقبلي اسفي يا معشوقتي
هتف الكل ب كلمه: سامحيه، سامحيه
هزت راسيل راسها ب الإجاب
قعد جُواد علي ركبته و قدم ليها خاتم و قال: تقبلي تتجوزيني و تكملي عمرك معايا
قالت راسيل بكسوف: موافقه
بدا الكل يسقف بحراره
بعد مرور شهور على احداثنا دي كان فاضل اسبوع واحد على فرح كل واحد فيهم اصل هما قررو يعملو الفرح في يوم واحد
اتصل اللواء مصطفى على جُواد وقال: السلام عليكم
رد جُواد وقال: وعليكم السلام ورحمة الله وبركاته ازي حضرتك يافندم
قال مصطفى: انا بخير الحمدلله انت عامل ايه ياعريس
قال جُواد: انا الحمدلله بخير
قال مصطفى: والله مكنتش حابب ازعجكم بس انتو مطرين انكم تنزلو مهمه
جُواد اتصدم ياعيني وقال: ايه انا شكلي سمعت غلط
كتم مصطفى ضحكتو وقال: لا مسمعتش غلط يا جُواد باشا
بعد جُواد الفون عنو وقال: اه هيا جوازه باينه من اولها وبعدين رجع الفون على ودنو تاني وقال مهمة ايه دي يا فندم
قال مصطفى: المرادي هتقبضو على تاجر سلاح وقدامك اسبوع لو مخلصتوش فيها المهمه الفرح هيضيع عليكم انتو وشطارتكم بقا وقفل معاه
جُواد قعد على السرير وبدأ يندب على حظو المنيل
وقال: اه اه منا عارف هوا حظي اسود كدا
وبعدين رفع وشو للسقف وقال: خدني يارب وريحني.
ونزل وشو تاني وقال: هوا يوم مافكر اتجوز لازم تطلع ليا حاجه زي الخازوق
وبعدين اتصل على باقي الفريق وعرفهم وفهمهم على كل حاجه وباقي الشباب مكنوش يختلفو عنو كتير في الرأي
في صباح يوم جديد اشرقت فيه الشمس بنورها الساطع على سماء مدينة القاهره وتحديدا في وسط الصحراء، كان فيه مجموعه من الشباب والبنات لابسين لبس قديم جدا زي بتاع الفراعنه زمان وبيتكلمو بلغه غير مفهومه يبان عليهم قبيله
كانو اربع شباب واربع بنات ظهرو قصاد مخزن كبير وباين عليه مهجور وقعدو على الأرض وكانو مربعين رجليهم.
شافوهم رجاله كانو عند المخزن وراحو عندهم وقالو: انتو مين؟
اتكلم واحد منهم وقال: كلام مش مفهوم
الراجل استغرب لإنو مش فاهم حاجه
في اللحظه دي وصلت عربيات كتيره وفخمه ووراها عربيات الحرس ونزل واحد من الحرس بسرعه وراح فتح الباب لشخص وكان باين عليه الهيبه والوقار
بدأ يقرب منهم قالت راسيل: بصوت واطي يخربيت حلاوة امك يا شيخ والله خساره فيك السجن سمعوها الباقي وكتمو ضحكتهم ماعادا شخص واحد كان نفسو يقوم يولع فيها
وصل الشخص عندهم وقال: انتو مين؟
اتكلم واحد من الرجاله وقال: دول لقناهم فجأه قصاد المكان يا حازم باشا ومنعرفش جم منين بس طريقة لبسهم وكلامهم غريبه اعتقد انهم قبيله
قال حازم: لالا لا لا مفيش قبائل موجوده لحد دلوقتي الكلام دا خلص من زمان بس شكلهم عبط.
هرشت لارين في شعرها وطبعا كانت باروكه وكانت هدومها متوسخه جدا وريحتها وحشه اويي
قامت مره واحده وبدأت تقرب من حازم
حازم بعد مره واحده وقال: هشش ابعدي وكان هيرجع من الريحه
وقال: الله يخربيتك ياشيخه بقا دي ريحه وبعد وشو عنها.
لارين اتعصبت جدا و بدأت تتنطط في المكان وتقول كلمات مش مفهومه والباقي بدأو يعملو زيها وكانو بيلفو بشكل دائري.
وفجأه بدأو يلفو حوالين حازم وحازم كان مرعوب منهم بمرور الوقت كانو رجالة حازم مرمين في الأرض
وحازم متعلق من رجلو في عمود كبير وراسو تحت وكان فيه قش وخشب ومتولع النار عليهم وكان على النار صفيحه فيها مايه
حازم قال: ابوس ايدكم نزلوني.
قربت دارين منو وقالت: هو هو وبدأت تلعب في وشو وهرشت في شعرها جامد ونزل على وشو وساخه من شعرها حازم قرف جدا وكان هيرجع
وقال: ينعل ابو القرف
بعد شويه حازم كان حرفيا خلاص هيغمى عليه من الوضعيه الي كان متعلق فيها ومن الشمس.
اريام راح فكو وخلاه ينزل وجابو ليه جلابيه بيضه كانت معاهم ولبسوها ليه وربطو الطرحه على وسطو وبدأو يسقفو وهوا يرقص وكان بيغني اغنية شوفوني شوفوني انا البرتقاله.
بمرور الوقت وصل البص الكبير ونزل واتصدم من الي شايفو اتجمعو رجالتو بسرعه وبدأو اطلاق ضرب النار.
بمرور الوقت كان البص الكبير وحازم بيرقصو واريام وجواد وسهم وراكان ولارين ودارين وراسيل وحلا بيسقفو ليهم وكان سهم مشغل اغنية شيك شاك شوك على العربيه والإتنين بيرقصو.
قال جُواد: هز يا حبيبي هز انت وهوا دا انتو نهاركم ازرق النهارده دا انا هرقصكم على سنجة عشره دلوقتيبس الصبر عليا بقا في عرسان ينزلو قبل الفرح بإسبوع عشان مهمه والله لكهربكم النهارده
بمرور الوقت كان حازم والبص بيغسلو الغسيل كان جواد جايب لكل واحد فيهم طبق وهدوم ومخليهم يغسلو.
وحلا كانت بتظبط ضوافرها، ولارين بتحط مونيكير ودارين بتظبط شعرها
وراسيل كانت قاعده على سقف العربيه وحاطه رجل على رجل.
اتكلم حازم وهوا خلاص مش قادر
وقال: ارحموني هموووت عاوز اشرب مايه
راسيل نزلت من على العربيه
وقالت: تؤ تؤ تؤ تؤ اي دا اخص عليكم كدا تقعدو الراجل من غير مايه ميصحش برضو يقول علينا ايه يقول بُخله لا سمح الله كدا كدا تدو الراجل عننا فكره وحشه واخدت مايه من العربيه وراحت عندو ومدت اديها بالمايه ليه.
بس قبل مياخدها دلقتها في الأرض
وقالت: انا عندي ادلقها ولا تدوق منها
عطشان؟ وطي واشرب منها زي الكلاب هوا دا تمامك عشان كما تدين تدان تقدر تقولي ايه ذمب كل الأطفال الي قتلتوهم والي دمرتوهم بالمخدرات؟ دا انتو حسابكم عسير عند ربنا غير حسابكم في الدنيا عمركم مفكرتو ان هيجي يوم وهتتمسكو للدرجادي الشيطان عامي عنيكم عن اي حاجه انتو فعلا رغم كل المجرمين الي عدو عليا مشوفتش اوسخ واقذر منكم
وبعدين لفت لبقيت الفريق
وقالت: كفايه عليهم كدا يلا بينا قبل ما الشمس تروح
قال جُواد: لا كفايه ايه دا انا هطلع عين الي خلفوهم النهارده هخليهم يلعنو اليوم الإسود الي اتولدو فيه.
وجاب ليهم مقشات
وقال: قدامكم 5دقايق لو الصحرا دي كلها مكنتش مكنوسه انتو متعرفوش ردة فعلى هتبقا ازاي؟
الإتنين اتصدمو بس جُواد طلع خرزانه
وقال: يلا انت وهواااااا
اخدو المقشات وبدأو يكنسو فعلا وكان كل شويه جُواد يضرب حد فيهم بس على خفيف كدا
بمرور الوقت
اخدوهم العساكر ركبوهم عربيات الشرطه والفريق اتقسمو عربيه للشباب وعربيه للبنات ووصلو عند مكتب اللواء مصطفى
وقال مصطفى: انتو النهارده اثبتو انكم من أكفأ الظباط في الداخليه كلها.
قدرتو تقبضو على عصابه من اكبر العصابات في الشرق الأوسط بجد تستاهلو لقب اكفأ ظباط
كل الي كانو في المكان بدأو يسقفو وبدأت صور ليهم تنزل من على الأصوار كل واحد ليه صوره وعليها اسمو، وشكر خاص من الداخليه ليهم، هما كانو طايرين من السعاده والفرحه لإن بعد كل الي مرو بيه دا بفضل ربنا قدرو يوصلو للي كانو بيتمنوه.
بعد مرور اسبوع بدون اي احداث تذكر بس الس حصل ان كل كابل كان بيجهز للفرح بتاعو
سهم ولارين، واريام وحلا، وجواد وراسيل، راكان ودارين،
النهارده اليوم المنتظر النهارده فرح ابطالنا النهارده اسعد يوم في حياتهم عشان كل واحد هياخد حبيبتو كل واحد هيتجوز الي بيحبها واخيرا واخيرا هيتلاقى كل عاشق بعشيقته واخيرا هيتقفل عليهم باب واحد.
وصلو الشباب على الجناح الي فيه البنات وبدأ جواد يخبط على الباب.
الميكب ارتست فتحت ليهم الباب
وقالت: جاهزين؟
قالو الشباب: جاهزين وسعت ليهم ودخلو وكانو الأربع بنات واقفين بضهرهم
قال سهم: في اي هوا احنا هنتجوزكم من قفاكم ضحكو كلهم ولفو البنات وكل واحد مكنش مركز غير مع الي تخصو وبس واتصدمو من جمالهم
وقال جواد: بسم الله ماشاء الله تبارك الرحمن ربنا يحفظك ليا من كل عين ومن كل شر ومن كل حد هيشوفو ومش هيسمي عليكي وباس راسها
وسهم بص بحب للارين وباس راسها
وقال: ربنا يخليكي ليا ويحفظك وميحرمنيش منك ابدا.
وراكان بص لدارين بعشق
وقال: معشوقتي لقد وقعتي في سچن حبي وانتي حاليا اسيرة هذا السچن
وبص اريام لحلا بحب
وقال: اميرتي الحلوه تسمحي ليا اخد قلبك
بصو البنات ليهم بكل حب وكل واحد اخد حبيبتو ونزلو على تحت وكان الفرح اقل ما يقال عنو انو روعه.
جه وقت عقد القران كل واحد حط ايدو في ايد والد مراتو وبدأ المئذون في مراسم الزواج وانتهى بالكلمه المشهوره.
بارك الله لكما وبارك عليكما ويجمع بينكما في خير وعلى خير بالرفاء والبنين ان شاء الله.
و فاجأه قطع النور
قال اريام و هو هيعيط:لا حرام عليكم بقا ايه الجوازه النحس دي
كانت المعزيم بتضحك عليه
رجع النور من تاني
قال راكان: للا احنا نعيد اللقطه من تاني
قال المأذون تاني و هو بيضحك: حاضر نعيد اللقطه
كمل كلامه: بارك الله لكما و بارك عليكما و جمع بينكم في خير و علي خير بالرفاء و البنين ان شاء الله
بعد ما المئذون قال الكلمه دي كل واحد شال مراتو وبدأ يلف بيها في المكان كلو والكل كان بيسقف وانتهى اليوم.
واخد كل واحد مراتو وروح على بيتو وكل واحد عاش مع حبيبتو في تبات ونبات وخلفو صبيان وبنات
☆☆☆☆☆☆☆☆☆☆☆☆
يا من سَلَبتُ مني أنفاسي، وجعلتني اسيرةٌ لِحُبَكْ
وجعلت قلبي يُلامس قلبك، وينبُض بإسمك
وانفاسي تتسارع لتُنادي عليك، يا من جعلتني لا أرى غيرك يا من جعلتني دائبةٌ بك، انت لي
وملكي، وزوجي، وحلالي، ولا يستيع احد ان يأخذك مني انت لي وحدي وستظل لي لأخر نفس اتفهم ذلك؟...
بِحُبَكْ جعلتني اسيرتك، بعشقك جعلتني معشوقتك
بحنانك جعلتني حَنينُكْ، بإحتوائك جعلتني مُطمئنه بقربك
في حضنك اشعر بالدفئ والحنان، بقربك لا اشعر بالحياه الا معك، لقد وقعت في سِچن حبي، وانا اعلن الآن عن حبي لك وانت سچين هذا الحب، وأنا أسيرة حُبَكَ الأبدي......
وبكده نقدر نقول توتا توتا كدا تخلص الحدوته
إرسال تعليق