أسوء عصر في مر الزمان/الهرم المصرى نيوز

 

 فكرة كاتب صحفي وتاملاته حول حقيقة ما يسمي أو ما كنا نسميه ذات يوم حزب الكنبه وقد صغتها في صورة حوار تخيلي مع أعضائه أو مع  من تأملت ثم تخيلت أنه ينوب عنهم في محاوله متواضعة لفهم ما جري ويجري لشعب مصر الطيب الكريم ومتي يفكر وكيف يفكر وفيما يفكر فليتسع صدركم لي قليلا أو كثيرا وفق ما ترونه من النفع الذي أرجوه واتامله بإذن الله تعالى. 

 ونبدأها بالجزء الاول حيث الجميع فيه على مسرح الحياة المتسع الفسيح يستمعون للأعمال الفنية الوطنية الإبداعية الهادفة التي تغذي الوجدان وتدعم محفزات محبه الشعوب للأوطان وها هم المصريون يتسامرون ويتحاورون فيما بينهم الآن ويقولون  

 

الكاتب الصحفي :_ السلام عليكم يا أهلنا الطيبين 

حزب الكنبه :_ وعليكم السلام ورحمة الله وبركاته 

    

 الكاتب :_ تسمح لي يا والدي تسمحيلي يا امي تسمح لي يا صديقي تسمحي لي يا أختي أني اقعد  جنبكم علي الكنبه ارتاح لي شويه من تعب المشوار وحر الشمس وزحمة الجمع الكريم 

حزب الكنبه :_ أيوه طبعا يا إبني تعالى اقعد اتفضل ارتاح هنا جنبنا الكنبه بتاعتنا واسعه وتشيل من الحبايب ألف واتنين 

                  

 الكاتب :_ أشكركم جزيل الشكر يا والدي أنا والله بالفعل بقالي شويتين مش عارف أرتاح انتم متعرفوش خدمتموني قد ايه 

 

حزب الكنبه :_ لا يا ابني أنت بتقول ايه لا شكر علي واجب ما إحنا ذي ما قلنالك الكنبه واسعه والحمدلله وتشيلنا كلنا وذياده كمان هااا ودلوقتي تحب تشرب إيه 

 

 الكاتب :_ كمان أشرب إيه لا دا كتير والله يا أمي مش كفايه انكم قعدتوني جنبكم وريحتوني شويه من عناء الزحمه وتعب الطريق

 حزب الكنبه :_ أنت ليه بتقول كدا بس يا صديقي أمال لو ما كنتش في بلدك ووسط ناسك انت ايه بخيل يعني ولا ايه  

         

  الكاتب :_ لا ابدا والله يا صاحبي أنا بس عايز أشكركم بزياده علي كرمكم وطيبة قلبكم وحسن ضيافتكم وعموما وعلشان ما تزعلوش مني أشرب بعد اذنكم كباية شاي 

 حزب الكنبه :_ يا سلام غالي والطلب رخيص حالا احلى كباية شاي في الخمسينه لاحلي شاب متنور ومتعلم ومؤدب وذوق كمان 

               

 الكاتب :_ بعد أول رشفه ألله تسلم أيديكم دي حاجه كدا تعدل الدماغ أنا متشكر خالص يا أهلي الطيبين لكن ما قلتوليش انتم إيه إللي خرجكم في الجو الحر ديتي والظروف الصعبه دى دا مش يبقي تعب ومشقه عليكم 

 حزب الكنبه :_ بعد أن أبتسمو جميعهم ثم قالو كل تعب علشان خاطر عيونكم يهون يا ولدي امال أنت كنت فاكر إيه 

 الكاتب :_ تسلم يا والدي تسلمي يا أمي ربنا يخليكم لينا حنينين دايما كدا وطيبين 

                          

 حزب الكنبه :_ تعيش يا ولدي وبعدين إحنا لو ما نزلناش كنت حتلاقي فين قعده حلوه ذي دى ترتاح فيها من تعب الطريق وعناء التفكير وحيره المتحيرين ولا كمان كباية شاي ذي دى تظبطلك دماغك وتخليك راسي كدا وفهيم 

 الكاتب :_ صحيح والله يا والدي أنا من غيركم ما اعرفش كنت رايح أكمل مشواري اذاي ولا حتى رايح أوصل لحد فين 

 حزب الكنبه :_ لا من الناحيه دي ما تقلقش يا ولدي دا ذي ما بيقولو الخطاوي نصيب وكله مكتوب ومتسطر عند ربك في علم الغيب

   

 الكاتب :_ ونعم بالله يا أمي بس إحنا كمان لازم ناخدو بالأسباب والسعي والاجتهاد والإخلاص هو أول طريق الأخذ بالأسباب   

        

 حزب الكنبه :_ بعد أن اوما برأسه إيجابا صحيح يا ولدي الله ينور عليك وعلي علمك فعلا ذي ما بيقولو العلم نور بس كمان ما تنساش إنه مع السعي لا بد من الوعي وإحنا علشان إللى أنت قلته دلوقتي وعلشان الاخيره دي بالذات نزلنا النهاردة في كل الميادين 

  

 الكاتب :_ أيوه طيب تمام لكن برضه لما انتم عارفين كدا واسمح لي يا والدي في الكلام أمال ليه دايما كدا تنزلو متأخرين  

                              

 حزب الكنبه :_ معلهش وضح لنا يا ولدي تقصد إيه بأننا دايما ما بننزلو متأخرين 

 الكاتب :_ سامحني يا والدي سامحيني يا أمي سامحوني كلكم أنا والله ما قصديش لا اساءه ولا توبيخ ولا حتى عتب لا سمح ألله  

 حزب الكنبه :_ أمال بعد إللي أنت قلته ديتي كان قصدك ايه بس يا ولدي الله يسامحك قول إللي في صدرك مفيش احسن من الصراحة ما بين الناس الطيبين 

                                                            الكاتب :_ أنتم زعلتم مني يا شين ظني أنا احب علي راسكم تسامحوني كلكم لو كنت حتي من غير ما أقصد قلت كلام مش ذين  

 حزب الكنبه :_ لا لا لاسمح ألله يا ولدي بس إحنا عايزينك توضح لنا انت تقصد إيه بالضبط وقول كل اللي في نفسك من غير خوف ولا حتي إحراج إحنا مفيش عندنا اغلي منك يتشال في القلب وجوا العين ....... مع أطيب تحياتي الأديب الدكتور محمد يوسف