[٢٢‏/١، ١:٥٩ م] غادة: للمشاركة في معرض الكتاب وصول وفد الكتاب الروسي/الهرم المصرى نيوز

 

بسم الله تعالى نبدا روايتي الدراميه (شنطة الحاوي)  المشهد الأول ...... ونشاهد فيه الشاب وحيد منصور خريج المعهد العالي للفنون المسرحيه الذي توفي والده الموظف بالسكه الحديد وتركه مع أمه ربة المنزل السيده إحسان وأخته أسماء طالبة الثانويه العامه في شقتهم متوسطة الحال بمدينة نصر 

* وقد دخلتا عليه حجرته والدته السيده إحسان مع ابنتها أسماء لتجداه يقوم بأداء مشهد تمثيلي يحاول فيه تقليد الفنان أحمد ذكى في أحد مشاهد أفلامه ولم تقاطعاه والدته وأخته وإنما جلستا جانبا تشاهداه بإعجاب دون أي جلبه 

# ولما رأي منهما وحيد ذلك اكمل تمثيله أو لنقل تشخيصه بحماس واتقان حتى انتهي من مشهده الذي أداه بحرفية فصفقتا له والدته واخته كثيراً 

# وقد اقترب وحيد من والدته ثم قبل يدها قبل أن يقول لها إيه رأيك في المشهد دا يا ست الكل 

* لتبتسم له الاخيره قبل أن تقول له جميل يا ولدي بس تمثيلك هنا في أوضتك لا حيجوزك ولا حتي رايح ياكلك عيش وانت عارف يا ولدي أني أنا صرفت عليك كل المكافاه إلي خدناها من شغل ابوك بعد ما اتوفى ألله يرحمه ودلوقتي المعاش إللى بيجيلنا يادوب مكفينا مصاريف أكل وشرب أنا وانت واختك وكمان ما تنساش إن اختك خلاص السنه اللي جايه ثانويه عامه يعنى لازم لها مصاريف ذياده ودروس وكدا 

# فقبل ابنها وحيد يدها مجددا قبل أن يقول لها ربنا يخليكي لينا يا ست الكل بس اعمل ايه ما أنا اديني علي يدك اهو ما بطالش تمثيل واصور نفسي وابعت الفيديوهات لجميع المواقع المعنيه بالفن واديني علي يدك برضه مستني ومحدش معبرني اعمل ايه تاني بس يا ست الكل 

* ثم انتبها معا علي صوت أخته أسماء تقول لوالدتها لاء بس يا ماما أخويا وحيد تمثيله حلو خالص طيب والله ولا كانه أحمد زكي بصحيح 

* فنظرت اليها والدتها قبل أن تقول لها أيوه يا بنتى أنا ما قلتش حاجه بس تمثيله هنا في الاوضه بتاعته لا حيودي ولا حيجيب 

* فقالت لها ابنتها أسماء طيب يعنى أنتي عايزاه يعمل إيه يا ست ماما ينزل يمثل في الشارع يعني ولا ايه 

# وقبل أن تعقب والدتها علي كلامها انتبهتا معا علي صوت وحيد يقول طيب والله فكره إحنا نشتري شوية كراسي ونفرشوهم كدا قدام العماره وانتى يا أسماء تقطعي التذاكر وأنا أمثل فضحكتا معا والدته وأخته أسماء لدعابته 

* قبل أن تقول له والدته الله يجازي شيطانك يا وحيد ضحكتنا يا ولدي وأنا قلبي مش حامل 

# فقال لها وحيد بعد أن قبل جبينها سلامة قلبك يا أم وحيد 

* وقالت له والدته تسلم وتعيش يا ولدي ثم حدقت فيه قبل أن تكمل قولها طيب ما فيه فكره تاني اجمل وعمليه عن كدا كمان فانتبها لها وحيد وأسماء معا 

* قبل أن تقول لها أسماء فكرة إيه دي بقي يا ست الكل ربنا يستر 

* فحدقت فيها والدتها قبل أن تنظر إلى وحيد وهي تقول شوف البت يا اخوي ثم همت بالقيام وهي تقول طيب انا غلطانه اللي بديكم رأيي فاستوقفاها معا 

* قبل أن تقول لها أسماء لاء والنبى يا ماما قولي أنا كنت بهزر معاكي 

# ثم قال لها وحيد أيوه صحيح يا ماما فكرة إيه إللي بتقولي عليها دي 

* فنظرت إليه والدته قبل أن تقول له ايه رأيك تقبل الشغلانه اللي جابهالك خالك محمود  وقبل أن يعقب وحيد علي كلامها 

* إنتبه على صوت أخته أسماء تقول لها ودا كلام برضه يا أم وحيد يعنى يبقى اخو الدكتوره أسماء موظف ريسبشن في لوكانده 

* فحدقت فيها والدتها قبل أن تقول لها أولا دي مش لوكانده دا فندق كبير وكويس كمان في رمسيس ثانيا اخوكي هو إللي رايح يمسك الاستقبال كله والحسابات كمان معاه من الآخر كدا يعني وظيفه رايحه تناسب حضرتك لما تتخرجي إن شاء الله وتبقي دكتوره يا أم لسان طويل 

* فقالت لها أسماء أيوه إن كان كدا معلهش يا ست الكل أنا موافقه 

* وابتسمت لها والدتها قبل أن تقول لها طيب تقدري دلوقتي تنقطينا بسكاتك لحد ما اخلص كلامي مع اخوكي ولا اقولك قومي يالا اعمليلنا كبايتين شاي يالا 

* فبادلتها أسماء ابتسامتها قبل أن تقول لها حاضر يا ست الكل مع إني عارفه انها توزيعه لكن ماشي أنا ابلعها علشان خاطر عيونك يا جميل ثم قامت وقبلت رأس والدتها قبل أن تغادر إلى المطبخ 

* ولما فعلت وغادرتهما أسماء نظرت والدتها إلي ابنها وحيد ثم قالت له هااه قلت إيه يا وحيد يا ولدي 

 فحدق فيها وحيد وكأنه يفكر دون تعقيب 

* ولما رأت منه والدته ذلك قالت له وكمان بدل ما انت عمال تمثل لنفسك هنا في الاوضه ممكن هناك تمثل قدام ناس تاني كتير غيرنا وممكن يصادف حد فيهم يكون ليه فيه موضوع التمثيل ديتي وربنا يا ولدي يفرجها عليك ويوفقك فاوحت له من كلامها بفكره لمعت في رأسه ثم أخذ يدورها يمينا ويسارا حتى استوت ولما أستقر عليها 

# حدق وحيد في وجه امه ثم قبل رأسها قبل أن يقول لها تسلم أفكارك يا ست الكل خلاص كلمي خالي محمود وقولي له أنا موافق عليها الشغلانه دي 

# فابتسمت له والدته قبل أن تقول له أيوه كدا يا ولدي فرح امك ثم حدقت فيه بدورها قبل أن تقول له لكن ما قلتليش يعنى إيه إللي خلاك غيرت رأيك كدا فجاه بعد ما كنت رافض ولا علشان ما أنا قلتلك يعني تمثل هناك وكدا 

# وقبل وحيد رأسها مجددا قبل أن يقول لها بعدين يا ست الكل اقولك كل حاجه المهم دلوقتي يالا كلميلي خالي محمود بسرعه 

* فابتسمت له والدته وهي تقول حاضر يا ولدي ربنا يهديك ويوفقك ثم قامت وغادرت غرفته إلى تليفونها لتكلم اخيها محمود وتخبره بموافقة ابنها وحيد علي العمل بالفندق ولما غادرت حجرته استكمل وحيد بقيه مشاهده التمثيلية التدريبية ..... مع أطيب تحياتي الأديب الدكتور محمد يوسف