بـ ( 20 ميدالية ذهب ، 9 فضة ، 4 برونز ) منتخب الكاراتيه يتربع على عرش بطولة إفريقيا في تونس - الهرم المصرى نيوز

 

        بقلم / فتحي الصاوي 

             

  الــجزء الــحادى عــشـر

خرجت لقيتك باصصلى عند الاوضه بتاعتنا وسبتنى ورحت داخل الاوضه دخلت وراك لقيتك اخدت هدوم النوم ودخلت الحمام رحت داخله وراك ملقتش ليك اثر رحت خارجه على الاوضه وسمعت صوتك وانت بتكح وشويه القيك بتغنى ومالكش اثر

رحت جايبه العيال ونزلت هنا لحد مانت مجيت ولسه هقلها انا طالع اشوف فيه ايه فوق لقيت نفسي نازل من فوق ومعايا •••

ومعايا الست اللى بتظهرلى دايما ف المقابر ومراتى لقيتها اغمى عليها والجن خارج من باب الڤيلا ومعاه الست وهما باصينلى بصات مرعبه جدا والست دى بتضحك واعوذ بالله من ضحكتها كلها رعب وخوف جريت على مرڤيت فوقتها ولسه بتقوم لقيت عم عطيه بيصرخ وجاى جرى على الڤيلا وراح داخل مفزوع وبص لقانى اتفزع اكتر وعمال يقول كلام غريب مش عارف اجمع منه كلمه لحد ما ميرڤت قامت رحت مقرب منه اهديه بيقلى يابيه انت بره وعمال تاكل فواحده ست وهى مبسوطه اوووووى قلتله بيتهيقالك متخافش قلت لميرڤت خدى الولاد وام هانم وروحى اقعدى عند مامتك او عند ابويا وخدوا عم عطيه معاكم اجهزوا هوديكم وارجع انا تانى لان خلاص كده الامور دى لازم تنتهى وجهزوا فعلا وحطوا حاجتهم ف العربيه وركبوا وخارجين من باب الڤيلا لقيت نفسي ومعايا الست دى ومعاهم كمان عم عطيه نهار مش فايت دول شكلهم احتلوا البيت لقيت عم عطيه بيصرخ نهار اسود انا ازاى هنا وواجف تحت هناك انا مين فيهم يابيه وانت كمان معايا تحت وبتاكل بنى ادميين رحت مزعق فيه وقيله اسكت بقا وسكت دماغى راحت للحاجه اللى كان مدهانى الشيخ علام دى معملتش حاجه ومال تحصين ايه بس اللى قالى عليه قلت لازم ارجعله حتى لو هموت 

وصلت المدام هى وعيالى عند امها وخليت معاهم عم عطيه وام هانم ومشيت رحت متجه للمقابر وف طريقى دماغى مش مبطله تفكير لحد ماوصلت اول المقابر كانت الساعه داخله على ٣.٣٠ الفجر كملت طريقى وعمال اقابل ف ناس واشوف اشباح وانا مكمل ف سكتى لحد ماوصلت للمكان وقفت شويه محدش ظهرلى قلت انزل واسيبها لله واللى يحصل يحصل ماهو مش هيكون اكتر من اللى بيحصلى اول منزلت لقيت القط الضخم اللى ظهرلى قبل كده راح ناطط على وشي صرخت لكن مفيش حاجه خبطتنى لقيت الست ظهرت ومعاها بناتها عدوا قصادى ولا كانهم شايفنى بس، المرادى جرين ف ايديهم اتنين مدبوحين وساحبنهم معرفش على فين قلت امشي وراهم  واشوف هيروحوا فين المنظر بشع بس مش بايدى حاجه اعملها مشيت  وراهم وانا مرعوب لقيتهم دخلوا مدفن وبابه اتفتح لوحده والست وهى داخله راحت لفه وشها وشافتنى وراح الباب مقفوول وشايفها بتضحك ولقيت ايد راح محطوطه على كتفى اترعبت اكتر لفيت لقيته الراجل اللى ركب العربيه ونام فيها وشكله وحش جدا عااااوز ايه وايه اللى جابك يامجنون دلوقتى قلتله عاوز الشيخ علام قالى مشى خلاص مش بييجى غير ف الليل قلتله وصلنى ليه قالى ماقلتلك مش موجود وامشي من هنا لاذيك يالا مشيت وانا خلاص بموت حرفيا من الرعب وصلت العربيه وركبت ببص لقيت الشيخ علام قاعد جنبى قلى ايه اللى جابك هنا قلتله حاجات كتير بس فهمنى الاول انت ازاى ركبت العربيه وظهرت ازاى قالى مش مهم قلى اللى حصل قلتله انت مدينى حاجات تحصن بيتى واهلى قالى اااه قلتله رحت البيت ورحت حكيله على اللى ظهر لمراتى وكانه انا ومعاه الست اللى انت نجتنا منها ومعاهم عم عطيه البواب قالى حد اتاذي قلتله لا قلتله ماده التحصين انهم يكونوا محمين محدش يقرب منهم لكن يظهروا ده عادى ومادام الامور وصلت لكده عجل بمشوار الارض عشان كده الامور مش مطمنه وهما دلوقتى بيحربوا لموتك انجز ف موضوع الارض دى قبل فوات الاوان ولسه بقول للشيخ علام وموضوع ابويا لقيته اختفى نهار مش فايت ف ايه كده الشيخ علام روح زيه زى اللى قابلتهم دماغى هتنفجر مش عارف افكر رحت مدور العربيه كان النهار طلع رحت الڤيلا عندى بصيت بره ملقتش حد دخلت الڤيلا ورحت طالع على فوق دخلت الاوضه مفيش حاجه لقيت مراتى بتتصل بتقلى انت فين قلتلها ف البيت قلتلى ازاى واتعصبت قلتلها متخافيش مش هيحصل حاجه وهديتها وقفلت معاها لقيت صوت بيقلى خفت واترعبت ولا لسه ياملعون ولسه اللى جاى كتير ومش هتلاقى اللى هينجيك والصوت اختفى 

رحت داخل الحمام واخدت دش وخرجت كانت الساعه ٧صباحا رحت لابس وخرجت رحت عند والدى وصلت لقيته كالعاده قاعد ف الجنينه رحت مسلم عليه وقعدت معاه قالى اخبار شغلك ايه قلتله تمام وقالى وشغل صفوان قبلته ولا ايه قلتله لسه بفكر لقيته هادى جدا وقالى براحتك بس متلومش غير نفسك لما تقهرنى انا وامك عليك قلتله متقلقش ياحاج بس عاوز اسالك سوال انت كنت تعرف صفوان لقيت شكله اتغير واتعصب وانا اعرفه منين مانا حكتلك انى ماقبلتوش قبل كده واللى يعرفه سيد السويفى شريكى اللى مات قلتله اهدى ياحاج انا بسالك بس يعنى قصدى شوفته قبل كده ولا لا لقيته راح قايم وسبنى ومشي دخل الڤيلا دخلت وراه لقيته دخل مكتبه وماما كانت قاعده وشكلها حزين وزعلانه سالتها مالك بعد ماسلمت عليها قالتلى مفيش تعبانه بس شويه قلتلها ياماما انتى مخبيه عليا ايه انتى وبابا قالتلى هخبى عليك ليه مفيش حاجه اصلا قلتلها ماشي ياماما عموما انا هقوم امشي عشان عندى شغل وهعدى عليكم العصر قوليلى صح ياماما تعرفى حد من صحاب بابا اسمه صفوان قالتلى لا مش ده صفوان اللى عاوزك ف شغل قلتلها ااااه قالتلى ومسكت المشروع بتاعه ولالسه قلتلها لسه هشوف قلتلى ربنا يوفقك ومبانش عليها اى حاجه ولا كانها تعرف فعلا الاسم رحت سيبها وماشي ورحت على الشركه كان لسه مفيش حد وصل طلعت وقعدت ف مكتبى رحت متصل بجاسر قالى انه بيتحرك وجاى قلتله طيب على متيجى هتصل بصفوان عشان نروح الارض النهارده بليل قالى ماشي وقفلت معاه 

رحت متصل بصفوان قلتله النهارده هروح الارض بليل عشان معايا استشارى ولازم يعاين الارض لانه مسافر بكره قالى يابشمهندس انا مش هنا انا ف شغل ف الصعيد هتروح ازاى قلتله بس كل اللى طالبه منك تبعتلنا عربيه تكون معروفه للناس اللى ف الطريق مش اكتر واحنا هنروح والصبح هنكون هنا قالى طب ادينى شويه وهكلمك يابشمهندس قلتله تمام وقفلت معاه لقيت ناريمان وصلت صباح الخير يابشمهندس صباح النور هو حضرتك هنا من بدرى لا بقالى نص ساعه ممكن تعمليلى قهوه ولو حد من الاوفيس بوى جه خليه يعملها تمام يابشمهندس كان جاسر وصل ايه يامراد ايه اللى جايبك بدرى رحت حكيله كل حاجه قالى وازاى تروح للشيخ علام ف الوقت ده بس تصدق انا كنت حاسس انه مش انسي زينا وخفت اقلك بس باين انه بتاع ربنا وظهوره لينا ده حمايه من ربنا قلتله ماده اللى حسيته وخصوصا العفاريت وهما ف البيت عندى كان ممكن ياذونا وياذوا الولاد والشيخ علام اكدلى لما قالى التحصين للحمايه من الاذي بس تشوفوهم عادى وعملت ايه اتصلت بصفوان اه ياجاسر اتصلت وهيرد عليا كمان شويه عشان هو ف الصعيد قالى تمام 

لقيت تلفون جاسر رن وراح رادد الو لقيت جاسر وشه اتخطف وجاب الوان بقله فيه ايه ساكت مبيتكلمش لحد ماقفل الخط وراح حاطط ايده على دماغه فيه ايه ياجاسر مردش راح مطلع الفون ومشغل تسجيل المكالمه سمعت واحد بيقله صاحبك خلاص نهايته قربت وبيضحك ويتكلم بصوت مفزع واذا جيت معاه او قربت هتكون نهايتك زيه هاهاهاهاهاها والخط راح فاصل بقله هات الرقم او اتصل بيه بيطلع الرقم ملقاش غير رقمى اللى هو اخر رقم اتصل بيه وقت مكلمته بقوله يعنى ايه بيتهيقالنا برضه رحنا مشغلين التسجيل تانى سمعنا نفس الكلام عموما خلاص متقلقش ياجاسر كل ده هخلصه ونرتاح حتى لو هموت لكن اللى بيحصل ده صعب ومفيش عقل اتحمله تانى هتعمل ايه يامراد خلاص هواجهه واللى يحصل يحصل بس افهم اللغز ده ولازم اخلص منه بقا انا بفقد اعصابى وحياتى بتدمر وعيالى هيتاذوا لازم اخلص جاسر اهدى يامراد لازم نفهم الاول الشيخ علام وهو هيقولنا نعمل ايه قلتله هشوف ماشي وعموما انا النهارده لازم اكون ف الارض ولازم انهى القصه دى 

وفضلنا قاعدين ف المكتب لقيت تلفونى رن كان صفوان بيقلى خلاص يابشمهندس شوف هتتحرك امتا وهتلاقى عربيه جتلك عند الشركه لو عاوز السواق معاك ماشي عاوز تاخد العربيه برضه مفيش مشكله تمام قلتله تمام حضرتك ابعتلى العربيه على الساعه ١٠بليل قالى تمام وقفلت معاه قلت لجاسر خلاص همشي بليل على الارض لقيته بيقولى تمشي قصدك هنمشي قلتله لا انا خايف عليك وانت ملكش ذنب قالى معاك يامراد ومش هاجى ف الاخر اسيبك لوحدك تمام وبعد اصرار منه وافقت انه يكون معايا وف الحقيقه انا محتاج وجود بس خايف عليه ليتاذي خلصت كلام مع جاسر ورحت متصل بمراتى اطمنت عليها وعلى الولاد وعلى اد ماهى مرعوبه من اللى شفته عماله تضحك على عم عطيه وهو بيحكى لحماتى وانا سامع صوته بيقولها طلع مراد بيه عفريت وبياكل بنى ادميين واتاريه كان بيعلفنى ومش بياخر عليا حاجه عشان وقت مييجى ياجلنى يلاقينى سمين رحت ضاحك وقلت لمراتى سكتى الراجل ده ومتخلوهش يفتح سيره لحد ده راجل مبيتبلش ف بوقه فوله ورحت قافل مع مراتى وقعدت لحد ماجت الساعه ٣ورحت رايح عند ابويا واول مادخلت لقيته ف مكتبه رحت فاتح من غير ماخبط على الباب دخلت لقيته ••••

بقلم / فتحي الصاوي 

#يتبع